وزیراعظم ہیلتھ کارڈ پروگرام میں آپ بھی شامل ہیں یا نہیں، آج ہی چیک کریں، جانئے مکمل طریقہ

تمام شہری اب وزیراعظم ہیلتھ کارڈ پروگرام کے تحت علاج کے لیے اپنی اہلیت آسانی سے چیک کر سکتے ہیں۔

اہلیت جانچنے کے لیے اپنا قومی شناختی کارڈ نمبر (CNIC) ایس ایم ایس کے ذریعے 8500 پر بھیجیں، یا سرکاری ویب سائٹ پر جا کر اپنا CNIC درج کریں۔

یہ پروگرام ملک بھر میں سرکاری اور نجی اسپتالوں کے وسیع نیٹ ورک میں علاج کی سہولت فراہم کرتا ہے۔ شامل اسپتالوں کی مکمل فہرست یہاں دیکھی جا سکتی ہے۔

اہلیت کے معیار:
درخواست گزار کا تعلق کم آمدنی والے خاندان سے ہونا چاہیے۔
CNIC نادرا میں رجسٹرڈ ہونا لازم ہے۔
سرکاری ملازمین اور بیرونِ ملک سفر کرنے والے افراد عموماً اہل نہیں ہوتے۔
بینظیر انکم سپورٹ پروگرام (BISP) کے مستحقین بھی اس پروگرام میں شامل ہیں۔

ہیلتھ کارڈ کے فوائد:
ہر خاندان کے لیے سالانہ 50 ہزار روپے تک ثانوی علاج اور 2 لاکھ 50 ہزار روپے تک تیسرے درجے کے علاج کی سہولت۔
منتخب سرکاری اور نجی اسپتالوں میں مفت علاج۔
علاج کے دوران 350 روپے تک سفری الاؤنس۔

درکار دستاویزات:
اصل قومی شناختی کارڈ
ہیلتھ کارڈ (اگر دستیاب ہو)
بچوں کے لیے ب فارم یا نکاح نامہ

اہل مریضوں کو علاج کی لاگت کا صرف 50 فیصد ادا کرنا ہوگا، جبکہ باقی 50 فیصد پنجاب حکومت ادا کرے گی۔

اس اقدام کا مقصد پاکستان بھر میں کم آمدنی والے خاندانوں کے لیے صحت کی سہولیات کو قابلِ رسائی اور سستا بنانا ہے۔