گوگل نیوز پر ہمیں فالو کریںاسلام آباد اور راولپنڈی میں رات کے وقت موسلا دھار بارش نے موسم خوشگوار بنا دیا جبکہ کراچی کے کئی علاقوں میں ہلکی بارش سے گرمی کا زور کچھ کم ہوا۔
محکمہ موسمیات نے پیش گوئی کی ہے کہ 5 جولائی سے 10 جولائی تک اسلام آباد، پنجاب، خیبر پختونخوا، کشمیر، گلگت بلتستان اور پوٹھوہار ریجن میں بارشوں کا سلسلہ جاری رہنے کا امکان ہے، جس کے باعث شہریوں کو احتیاط برتنے کی ہدایت کی گئی ہے۔
پنجاب اور بلوچستان کے بعض علاقوں میں ندی نالوں میں طغیانی کا خدشہ ظاہر کیا گیا ہے، جبکہ نوشہرہ اور پشاور کے نشیبی علاقے اربن فلڈنگ کی زد میں آ سکتے ہیں۔
6 سے 8 جولائی کے دوران شمالی علاقوں میں لینڈ سلائیڈنگ کا خطرہ بھی موجود ہے، خاص طور پر پہاڑی راستوں پر سفر کرنے والوں کو محتاط رہنے کی تاکید کی گئی ہے۔
محکمہ موسمیات کے مطابق کراچی اور سندھ کے بیشتر علاقوں میں اس بارش کے سسٹم سے کوئی خاص اثر متوقع نہیں تاہم ملک کے بالائی علاقوں میں گلیشیئرز پگھلنے کے نتیجے میں گلگت بلتستان اور خیبر پختونخوا میں سیلابی صورتِ حال پیدا ہو سکتی ہے۔
حکام نے ہنگامی صورتحال سے نمٹنے کے لیے متعلقہ اداروں کو الرٹ رہنے کی ہدایت کی ہے، جبکہ شہریوں کو بھی سفر اور رہائش کے حوالے سے احتیاطی تدابیر اختیار کرنے کا مشورہ دیا گیا ہے۔
