ورلڈ ایتھلیٹکس،ارشد ندیم بہترین کارکردگی کے باوجود میڈل نہ جیت سکے

واشنگٹن: پاکستان کے معروف ایتھلیٹ ارشد ندیم امریکا میں جاری ورلڈ ایتھلیٹکس چیمپیئن شپ میں بہترین کارکردگی کے باوجود میڈل جیتنے میں کامیاب نہیں ہوسکے۔

تفصیلات کے مطابق ارشد ندیم نے جویلین تھرو کے فائنل مرحلے میں پانچویں پوزیشن پر قبضہ جمانے میں کامیابی حاصل کی۔ رواں سیزن میں بہترین تھرو کے باوجود ارشد ندیم اپنا ہدف حاصل نہ کرسکے۔

یہ بھی پڑھیں:

قوم کا شکر گزار ہوں، آگے اچھا پرفارم کروں گا، ارشد ندیم

معروف ایتھلیٹ ارشد ندیم نے 86.16 میٹر کی تھرو کرکے رواں سیزن کے دوران بہترین کارکردگی کا مظاہرہ کیا۔ قبل ازیں ارشد ندیم نے 82.05 میٹر کی تھرو کی تھی۔

خیال رہے کہ اس سے قبل معروف ایتھلیٹ ارشد ندیم نے کہا ہے کہ پاکستانی قوم کی دعاؤں کے لیے شکرگزار ہوں، آگے جو گیمز آرہی ہیں میں ان میں مزید اچھا پرفارم کروں گا۔

گزشتہ برس اگست کے دوران ارشد ندیم نے کہا کہ واپڈا کا پلیٹ فارم ملک بھر میں کھلاڑیوں کو موقع دیتا ہے، واپڈا کی سہولیات مہیا کرنے سے میں یہاں تک پہنچا ہوں۔

انہوں نے کہا کہ پاکستان اسپورٹس بورڈ اور ڈاکٹر فہمیدہ مرزا کا شکریہ کرتا ہوں۔دوسری جانب واپڈا ہاؤس میں تقریب کے مہمان خصوصی چیئرمین واپڈا مزمل حسین کا کہنا تھا کہ واپڈا اس وقت 3 ہزار 3 سو ایتھلیٹس کی مدد کر رہا ہے۔