دعا ہے کہ امریکی صدر کورونا سے جلد صحتیاب ہوجائیں۔وزیر اعظم

اسلام آباد: وزیر اعظم شہباز شریف نے کورونا میں مبتلا امریکی صدر جو بائیڈن کی جلد صحتیابی کیلئے دعائیں اور نیک تمناؤں کا اظہار کیا ہے۔

سماجی رابطے کی ویب سائٹ ٹوئٹر پر اپنے پیغام میں وزیر اعظم شہباز شریف نے کہا کہ میں عزت مآب صدر جو بائیڈن کی کورونا سے جلد اور مکمل صحتیابی کا خواہش مند ہوں۔

  یہ بھی پڑھیں:

صدر جوبائیڈن کورونا وائرس میں مبتلا ہوگئے

I wish H.E. President Biden speedy and complete recovery from corona.

— Shehbaz Sharif (@CMShehbaz) July 24, 2022

واضح رہے کہ امریکی صدر جو بائیڈن تاحال کورونا کا شکار ہیں جن کے کورونا ٹیسٹ کا نتیجہ جمعرات کے روز مثبت آیا۔ امریکی حکومت نے اعلان کیا کہ 79 سالہ صدر کورونا کی ہلکی پھلکی علامات کا شکار ہیں۔

امریکی صدر جو بائیڈن نے ایوانِ صدر (وائٹ ہاؤس) میں خود کو قرنطینہ کرلیا۔ وائٹ ہاؤس کا کہنا تھا کہ صدر اپنے ملک کیلئے مکمل فرائض کی انجام دہی کرتے رہیں گے تاہم انہیں پنسلوانیا کا دورہ منسوخ کرنا پڑا۔

تجزیہ کاروں کا کہنا ہے کہ صدر جوبائیڈن انتخابات سے قبل اپنی پارٹی ڈیموکریٹس کی قسمت چمکانے کی کوششوں میں مصروف تھے۔ وائٹ ہاؤس کے بیان کے مطابق امریکا کی تاریخ کے سب سے معمر صدر نے کورونا کی ویکسین بھی لگوالی۔ 

واضح رہے کہ موجودہ امریکی صدر جو بائیڈن نے صدارتی انتخابات کے دوران اپنے حریف ڈونلڈ ٹرمپ کو شکست دے کر وائٹ ہاؤس پر قبضہ جمایا جسے پاکستان کیلئے نیک شگون قرار دیا جارہا تھا۔