گوگل نیوز پر ہمیں فالو کریںپاکستان کے مشہور و معروف گلوکار عاصم اظہر نے سوشل میڈیا صارفین اور مداحوں کی فرمائش پر انٹرنیٹ پر وائرل ہونے والے ننھے گلوکار عرشمان کے ساتھ اپنا نیا میش اپ گانا پیش کردیا۔
گزشتہ دنوں عرشمان کی ایک ویڈیو سوشل میڈیا پر وائرل ہوئی تھی، جس میں اس نے عاصم اظہر کا گانا گنگنایا تھا، اس گانے کو سوشل میڈیا صارفین نے کافی پسند کیا اور ویڈیو کے کیپشن میں گلوکار کو ٹیگ کرکے عرشمان کے ہمراہ گانا گنگنانے کی فرمائش کی۔
View this post on Instagram
تاہم، اب حال ہی میں گلوکارعاصم اظہر نے ایک بہترین گلوکار کے ساتھ ساتھ ایک بہترین انسان ہونے کا ثبوت دیتے ہوئے عرشمان کے ساتھ اپنے دو مشہور گانوں ’حبیبی‘ اور ’جو تو نہ ملا‘ کا میش اپ پیش کیا ہے جس کو سوشل میڈیا صارفین کافی پسند کررہے ہیں۔
View this post on Instagram
وائرل انٹرنیٹ سنسیشن عرشمان اور عاصم اظہر کا یہ میش اپ گانا یوٹیوب سمیت سوشل میڈیا کے مختلف پلیٹ فارمز پر ٹرینڈ کررہا ہے اور مداحوں کی جانب سے اس گانے کو بےحد پسند کیا جارہا ہے۔
