گوگل نیوز پر ہمیں فالو کریںپاکستانی اداکارہ اور اینکر پرسن ندا یاسر نے گزشتہ روز اپنے ٹی وی شو میں کراچی میں قتل ہونے والی 5 سالہ بچی مروہ کے والدین کو بلا کر ان سے سوالات کیے جس پر عوام سخت ناراض ہیں، ندا یاسر پر پابندی کا مطالبہ زور پکڑ گیا۔
سماجی رابطے کی ویب سائٹ ٹوئٹر پر ندا یاسر پر پابندی لگاؤ آج کا ٹاپ ٹرینڈ ہے جس کے تحت 6 ہزار سے زائد پیغامات ارسال کیے جاچکے ہیں۔
سیّدہ لیلیٰ جعفری نامی سوشل میڈیا صارف نے ندا یاسر پر پابندی کے ٹاپ ٹرینڈ کے تحت اپنے پیغام میں کہا کہ یہ انتہائی شرمناک ہے۔ کوئی انسان اتنا بے حس کیسے ہوسکتا ہے؟
It's so shame full yr how can be a some one so Insensitive yaar #BanNidaYasir pic.twitter.com/hxJRD7cEJQ
— Syeda Laila Jaffri ???????? (@Mohtermalaila) September 16, 2020
کومل انصاری نامی سوشل میڈیا صارف نے کہا کہ مروہ کے پریشان حال ماں باپ کی بے چارگی کا فائدہ کوئی کیسے اٹھا سکتا ہے جن کی بچی کو ہراسگی کا شکار کرکے قتل کردیا گیا؟
خاتون صارف نے کہا کہ ندا یاسر نے صرف ریٹنگز کے حصول کیلئے بے حسی پر مبنی سوالات کیے۔ یہ سب کچھ ایک بکواس سے زیادہ کچھ نہیں۔
How someone takes advantage of misery of poor parents who's child traumatized & than kill ????.This lady asked insensitive questions just for her rating ….
Nothing but piece of shitttt #BanNidaYasir pic.twitter.com/TFCb3s7GGl— Komal Ansari | free ???????? (@DrKomal26) September 16, 2020
یاد رہے کہ اِس سے قبل ندا یاسر کو نجی ٹی وی کے مارننگ شو میں کراچی میں زیادتی کے بعد قتل ہونے والی 5 سالہ مروہ کے والدین کو بلانا مہنگا پڑ گیا، پروگرام میں دل سوز واقعے سے متعلق متعدد سوالات کیے گئے،جس پر سوشل میڈیا صارفین نے برہمی کا اظہار کیا۔
واضح رہے کہ کراچی کے علاقے عیسٰی نگری میں 5 سالہ مروہ کو 2 ملزمان نے زیادتی کا نشانہ بنایا اور لاش کچرا کنڈی میں پھینک دی۔ اس افسوسناک واقعے پر ہر آنکھ نم اور ہر دل دکھ سے بھرا ہوا ہے۔ ایسے میں ندا یاسر نے اپنے مارننگ شو میں مروہ کے والدین کو بلایا اور واقعے سے متعلق تکلیف دہ سوالات پوچھے۔
مزید پڑھیں: ندا یاسر کو کراچی میں قتل ہونے والی مروہ کے والدین کو بلانا مہنگا پڑ گیا
