گوگل نیوز پر ہمیں فالو کریںاسلام آباد میں سابق وزیراعظم عمران خان کی بنی گالہ رہائشگاہ کی مبینہ نیلامی سے متعلق خبروں نے سیاسی و عوامی حلقوں میں ہلچل مچا دی ہے۔
ابتدائی اطلاعات کے مطابق نیلامی کے اشتہارات دو مرتبہ شائع ہونے کا دعویٰ سامنے آیا تاہم اس معاملے پر مختلف بیانات اور تردیدیں بھی جاری کی جا رہی ہیں۔
پی ٹی آئی کے مرکزی رہنما سلمان اکرم راجہ نے سوشل میڈیا پر پوسٹ میں کہا ہے کہ عمران خان صاحب کی بنی گالہ رہائشگاہ کی مبینہ نیلامی کی خبر آج ہی سامنے آئی ہے۔
عمران خان صاحب کی بنی گالہ رہائشگاہ کی مبینہ نیلامی کی خبر آج ہی سامنے آئی ہے۔ اگر ایسا ہے تو یہ کسی خفیہ کاروائی کا نتیجہ ہے۔ بنی گالہ کے منتظمین لاعلم ہیں۔ ہماری لیگل ٹیم معاملے کی تہ تک پہنچنے میں سرگرم عمل ہے۔ جلد صحیح معلومات سامنے آ جائیں گی۔
— salman akram raja (@salmanAraja) August 11, 2025
اگر ایسا ہے تو یہ کسی خفیہ کاروائی کا نتیجہ ہے۔ بنی گالہ کے منتظمین لاعلم ہیں۔ ہماری لیگل ٹیم معاملے کی تہ تک پہنچنے میں سرگرم عمل ہے۔ جلد صحیح معلومات سامنے آ جائیں گی۔
پارٹی کے اندرونی حلقوں میں اختلافات اور عدم توجہی کے الزامات بھی زبان زدِ عام ہیں۔ ذرائع کا دعویٰ ہے کہ بیرسٹر گوہر، شیخ وقاص، زرتاج گل اور دیگر رہنما اپنے اپنے معاملات میں مصروف ہیں جس کے باعث اس اہم مسئلے پر بروقت سیاسی ردعمل سامنے نہیں آ سکا۔
بنی گالہ کی جائیداد کی نیلامی۔۔نیلامی کا دیا گیا 4 بجے کا وقت بھی ہو گیا اب تک کوئی بھی خریدار موجود نہیں،اسسٹنٹ کمشنر عزیر خان واپس چلے گئے اور اکشن کمیٹی کے چند لوگ اس وقت بھی تحصیلدار کے افس میں براجمان ہیں pic.twitter.com/eutTbvhdcb
— Ahsan Wahid (@AhsanWahid13) August 11, 2025
عمران خان کی بنی گالہ رہائش کی نیلامی کے اشتہار کے مطابق 2 دفعہ اشتہار چھپ چکا ہے
لیکن بیرسٹر گوہر شیر افضل کو منانے میں مصروف ہے شیخ وقاص دو سالوں سے پشاور میں عیاشی کر رہا ہے زرتاج گل اپنی کرسی کے لیے ڈیلے کر رہی ہے اور دیگر قیادت اسمبلی اسمبلی کھیل رہی ہے pic.twitter.com/HhALHioOkJ— Saif AFridi (@SaifSolicitor) August 11, 2025
دوسری جانب قومی احتساب بیورو (نیب) کے ذرائع نے واضح تردید جاری کرتے ہوئے کہا ہے کہ عمران خان کے گھر کی نیلامی سے متعلق تمام خبریں بے بنیاد ہیں۔
نیب کا مؤقف ہے کہ 190 ملین پاؤنڈ کیس میں صرف بحریہ ٹاؤن کی مخصوص جائیدادوں کی نیلامی کی جا رہی ہے، عمران خان کی ذاتی جائیداد اس فیصلے کا حصہ نہیں ہے۔
عمران خان کے بنی گالہ گھر کی نیلامی کی خبریں بے بنیاد ہیں
— Adv Hassan Adeel (@RealHassanAdeel) August 11, 2025
مزید کہا گیا کہ سابق وزیراعظم پہلے ہی اس کیس میں سرنڈر کر چکے ہیں اور نیلامی کے احکامات صرف اشتہاری ملزمان تک محدود ہیں۔
اس طرح بنی گالہ رہائشگاہ کی نیلامی کے حوالے سے پھیلائی جانے والی افواہوں کو سرکاری سطح پر مسترد کر دیا گیا ہے جبکہ اصل صورتحال سامنے آنے تک معاملہ سیاسی و قانونی بحث کا مرکز بنا ہوا ہے۔
