گوگل نیوز پر ہمیں فالو کریںپاکستان میں پرائیویٹ میڈیکل اور ڈینٹل کالجوں میں داخلوں میں کمی کے بعد پاکستان میڈیکل اینڈ ڈینٹل کونسل نے عارضی طور پر میرٹ کی شرائط کو نرم کرنے کا فیصلہ کیا ہے تاکہ خالی نشستیں پر کی جا سکیں اور اس دوران داخلے شفاف اور میرٹ پر مبنی رہیں۔
لاہور اور ملک کے دیگر حصوں میں کئی نشستیں کم داخلوں کی وجہ سے خالی رہ گئی تھیں۔ اس مسئلے کے حل کے لیے پی ایم ڈی سی نے داخلہ پالیسی میں اہم تبدیلی کی ہے۔
فیصلے کے مطابق ایم بی بی ایس کے لیے میرٹ کی حد 55 فیصد سے کم کر کے 52 فیصد کر دی گئی ہے جبکہ بی ڈی ایس کے لیے میرٹ 50 فیصد سے کم کرکے 47 فیصد کر دی گئی ہے۔ اس تبدیلی سے متعلق سرکاری نوٹیفکیشن بھی جاری کر دیا گیا ہے۔
پی ایم ڈی سی کے مطابق یہ میرٹ میں کمی صرف خالی نشستوں کے لیے ہے اور عارضی اقدام ہے اسے مستقل پالیسی کے طور پر اپنانے کا کوئی ارادہ نہیں ہے۔
پرائیویٹ میڈیکل اور ڈینٹل کالجوں کو یہ بھی ہدایت دی گئی ہے کہ وہ اپنی فیس میں کمی پر غور کریں۔ تمام داخلے اب بھی میرٹ اور شفافیت پر مبنی ہوں گے اور داخلہ عمل کی سخت نگرانی یقینی بنائی جائے گی۔
