گوگل نیوز پر ہمیں فالو کریںمشہور بھارتی فلم ستاروں وجے دیورکونڈا اور رشمیکا مندانا کے بارے میں خبریں گردش کر رہی ہیں کہ انہوں نے حال ہی میں منگنی کر لی ہے۔ بھارتی میڈیا کے مطابق یہ منگنی 3 اکتوبر 2025 کو ایک نجی تقریب میں ہوئی جس میں صرف قریبی رشتہ داروں اور دوستوں نے شرکت کی۔
سوشل میڈیا پر ایک تصویر بھی سامنے آئی ہے جس میں وجے اور رشمیکا دلہن اور دلہے کے لباس میں نظر آرہے ہیں جس سے لوگوں میں یہ تجسس پیدا ہوا کہ کیا یہ ان کی اصلی منگنی کی تصویر ہے تاہم یہ واضح ہوا کہ یہ تصویر ان کی فلم گیتھا گووندم کے ایک سین سے ہے نہ کہ ان کی حقیقی زندگی سے۔
View this post on Instagram
اب تک نہ تو وجے نے اور نہ ہی رشمیکا نے اپنے سوشل میڈیا اکاؤنٹس پر منگنی کے بارے میں کوئی تصویر یا تصدیق کی ہے۔ یہ جوڑا ہمیشہ سے اپنی ذاتی زندگی کو نجی رکھنے کے لیے جانا جاتا ہے۔
View this post on Instagram
افواہوں کے مطابق یہ جوڑا فروری 2026 میں شادی کرنے کا ارادہ رکھتا ہے لیکن ابھی تک وجے دیورکونڈا یا رشمیکا مندانا کی جانب سے منگنی یا رشتے کی سرکاری طور پر تصدیق نہیں کی گئی ہے۔ میڈیا اور مداحوں میں اس خبر کی بہت زیادہ گہما گہمی ہے لیکن یہ خبر ابھی تک غیر مصدقہ ہے۔
