گوگل نیوز پر ہمیں فالو کریںپنجاب کے علاقے مظفرگڑھ میں بااثر افراد نے ایک نوجوان پر اس وقت حملہ کیا جب اس نے اپنی بہن کے ساتھ ہراسانی روکنے کی کوشش کی۔ حملے میں نوجوان شدید زخمی ہوا اور اس کی ایک ٹانگ کو بھی کاٹ دیا گیا۔
تفصیلات کے مطابق بااثر افراد کے حملے سے نوجوان کی دوسری ٹانگ بھی بری طرح متاثر ہوئی۔ نوجوان نے اپنی بہن کے ساتھ بدتمیزی روکنے کی کوشش کی تھی۔
زخمی نوجوان کی والدہ نے اعلیٰ حکام سے انصاف کی اپیل کی ہے۔ ان کا کہنا ہے کہ ملزمان ان کی بیٹی کو بار بار ہراساں کرتے تھے اور اس کے ساتھ بدتمیزی سے بات کرتے تھے۔ 18 اگست کو جب ان کے بیٹے نے مداخلت کی تو ملزمان نے اس پر شدید تشدد کیا جس سے وہ معذور ہو گیا۔
والدہ نے کہا کہ وہ اپنے بیٹے کے لیے انصاف مانگ رہی ہیں اور توقع کرتی ہیں کہ پولیس انصاف فراہم کرے گی۔ پولیس کے مطابق ملزمان کے خلاف مقدمہ درج کر لیا گیا ہے جبکہ ایک ملزم کو گرفتار کر لیا گیا ہے۔
واضح رہے کہ پنجاب میں ہراسانی اور تشدد کا یہ کوئی پہلا واقعہ نہیں ہے۔ ماضی میں بھی پولیس نے اس طرح کے جرائم کے خاتمے کے لیے سخت قانونی کارروائی کی ہے۔ حکام نے کہا ہے کہ ملزمان کو سخت سزا دی جائے گی۔
