بشریٰ اقبال نے مرحوم عامر لیاقت کی خوبصورت ویڈیو شیئر کردی

کراچی: گزشہ ماہ انتقال کر جانے والے رُکن قومی اسمبلی اور معروف ٹیلی ویژن اینکر ڈاکٹر عامر لیاقت حسین کی پہلی سابقہ اہلیہ ڈاکٹر بشریٰ اقبال نے مرحوم کی ایک خوبصورت ویڈیو شیئر کردی۔

فوٹو اینڈ ویڈیو شیئرنگ ایپ انسٹاگرام پر بشریٰ اقبال نے مرحوم عامر لیاقت کی 51 ویں سالگرہ کے موقع پر اپنی بیٹی دعا عامر کی اُن کے مرحوم والد ڈاکٹر عامر لیاقت کے ساتھ ایک یادگار ویڈیو شیئر کی۔

 

View this post on Instagram

 

A post shared by Dr Bushra Iqbal (@syedabushraiqbal)

کم عمری میں دعا عامر نے اپنے والد کے ہمراہ پروگرام میں شرکت کی، جس کی ویڈیو میں ڈاکٹر عامر لیاقت کو اپنی بیٹی کا انٹرویو لیتے دیکھا جاسکتا ہے۔

یہ بھی پڑھیں:

عامر لیاقت کو دیندار لڑکی سے شادی کرنی چاہیے تھی، خلیل الرحمٰن قمر نے دانیہ ملک کو آڑے ہاتھوں لے لیا

مذکورہ ویڈیو کو یادگار لمحہ قرار دیتے ہوئے کیپشن میں بشریٰ اقبال نے ‘اَن مٹ نقوش بھی لکھا۔

واضح رہے کہ گزشتہ ماہ 10 جون کو ڈاکٹر عامر لیاقت حسین 50 برس کی عمر میں کراچی میں انتقال کر گئے تھے۔

عامر لیاقت نے پہلی شادی ڈاکٹر بشریٰ اقبال سے کی تھیں، جن سے ان کا ایک بیٹا اور ایک بیٹی ہیں، جن کی عمریں 20 سال سے زائد ہیں۔

اُن کی ڈاکٹر بشریٰ کے ساتھ طویل رفاقت رہی تاہم کچھ نجی مسائل کے سبب دونوں میں علیحدگی ہوگئی تھی اور ڈاکٹر بشریٰ اقبال نے دسمبر 2020 میں تصدیق کی تھی کہ عامر لیاقت نے انہیں طلاق دے دی ہے۔

—