گوگل نیوز پر ہمیں فالو کریںواشنگٹن: امریکی صدر ڈونلڈ ٹرمپ نے تجارت کی جنگ میں امریکا کے روایتی حریف چین کے خلاف ایک بار پھر ہرزہ سرائی کرتے ہوئے کہا ہے کہ چین ہمارے خلاف غلط معلومات پھیلانے میں ملوث ہے۔
سماجی رابطے کی ویب سائٹ ٹوئٹر پر اپنے پیغام میں امریکی صدر ڈونلڈ ٹرمپ نے کہا کہ چین نے ہمارے خلاف بڑے پیمانے پرغلط معلومات پھیلانے کی مہم شروع کر رکھی ہے کیونکہ وہ میرے سیاسی حریف جو بائیڈن کو صدارتی دوڑ میں جیتتا ہوا دیکھنا چاہتے ہیں۔
پیغام میں امریکی صدر ڈونلڈ ٹرمپ نے چین پر الزام لگایا کہ چین امریکا کو دنیا کے صفِ اوّل کے ممالک میں نہیں دیکھنا چاہتا اور چینی حکومت امریکا کے خلاف یہ کام کئی دہائیوں سے کر رہی ہے جب تک میں صدر بن کر نہیں آگیا۔
China is on a massive disinformation campaign because they are desperate to have Sleepy Joe Biden win the presidential race so they can continue to rip-off the United States, as they have done for decades, until I came along!
— Donald J. Trump (@realDonaldTrump) May 21, 2020
امریکی صدر ڈونلڈ ٹرمپ نے کہا کہ چینی حکومت کا ترجمان چین کی طرف سے احمقانہ انداز میں بات کرتا ہے۔ ترجمان چینی دفترِ خارجہ کوشش کرتا ہے کہ وہ درد و الم دنیا تک مسلسل پہنچاتا رہے جو چین نے (کورونا وائرس کی صورت میں) دنیا بھر میں پھیلا دیا ہے۔
صدر ڈونلڈ ٹرمپ نے کہا کہ یورپ اور ریاستہائے متحدہ امریکا کے خلاف چین کی طرف سے غلط معلومات اور پروپیگنڈہ برداشت نہیں کریں گے کیونکہ یہ ہماری بے عزتی کے مترادف ہے۔
Spokesman speaks stupidly on behalf of China, trying desperately to deflect the pain and carnage that their country spread throughout the world. Its disinformation and propaganda attack on the United States and Europe is a disgrace….
— Donald J. Trump (@realDonaldTrump) May 21, 2020
