دُنیا بھر میں کورونا سے 35کروڑ 95لاکھ افراد متاثر، 56لاکھ 35ہزار ہلاک

جنیوا:  دُنیا بھر میں کورونا سے 35 کروڑ 95 لاکھ افراد متاثر ہوئے ہیں جبکہ وائرس کے باعث 56لاکھ 35 ہزار سے زائد افراد ہلاک ہو گئے۔

تفصیلات کے مطابق دُنیا کے 200سے زائد ممالک اور خطوں میں کورونا سے مجموعی طور پر 35 کروڑ95لاکھ 61 ہزار334 افراد متاثر ہوئے جبکہ وائرس کا شکار 56 لاکھ 35 ہزار677 افراد جان کی بازی ہار گئے۔

یہ بھی پڑھیں:

کورونا کا خوف، نیوزی لینڈ کی وزیر اعظم جیسنڈا آرڈن کی شادی منسوخ

کورونا کاخوف، حکام نے امریکیوں کو نئے سال کی آمد پر تقریبات سے روک دیا

وائرس سے متاثرہ 95 ہزار 960افراد کی حالت تشویشناک ہے جبکہ دنیا بھر میں کورونا کے فعال کیسز کی تعداد 6 کروڑ 90لاکھ 44 ہزار184ہو گئی۔ وائرس کے6 کروڑ 89لاکھ 48 ہزار224مریضوں کو معمولی تکالیف کا سامنا ہے۔

دُنیا بھر میں 28کروڑ 48 لاکھ 81ہزار473 افراد کورونا سے صحتیاب ہوگئے۔سب سے زیادہ 7 کروڑ 34لاکھ 49ہزار185افراد امریکا میں جبکہ 4 کروڑ 85ہزار116 افراد بھارت میں وائرس کا شکار ہوئے۔

امریکا میں کورونا کے باعث 8لاکھ 94 ہزار880افراد ہلاک ہوئے جبکہ بھارت میں وائرس کا شکار4 لاکھ 91ہزار154شہری انتقال کر گئے۔ برازیل میں کورونا سے 2 کروڑ43 لاکھ34 ہزار72افراد متاثر جبکہ 6 لاکھ 23ہزار901لقمۂ اجل بن گئے۔

کورونا سے سب سے زیادہ متاثر ہونے والے ممالک میں امریکا پہلے، بھارت دوسرے، برازیل تیسرے، فرانس چوتھے، برطانیہ پانچویں، روس چھٹے، ترکی 7ویں، اٹلی 8ویں، اسپین 9ویں جبکہ جرمنی 10ویں نمبر پر موجود ہے۔

قبل ازیں دنیا بھر میں کورونا سے 1 لاکھ ہلاکتیں 79 دنوں میں جبکہ 10 لاکھ ہلاکتیں 235 روز میں ہوئیں۔اموات کی تعداد 10 سے 20 لاکھ تک پہنچنے میں 118 مزید دن لگے۔اگلی 10لاکھ ہلاکتیں 91 جبکہ 40 لاکھ ہلاکتیں 523 دن میں ہوئیں۔