گوگل نیوز پر ہمیں فالو کریںنیشنل ایمرجنسی آپریشن سینٹر نے خبردار کیا ہے کہ بحیرہ عرب میں کم دباؤ کا نظام سائیکلون میں تبدیل ہو رہا ہے جو پاکستان کے ساحلی علاقوں کو متاثر کر سکتا ہے۔
نیشنل ڈیزاسٹر مینجمنٹ اتھارٹی کے مطابق یہ نظام فی الحال لکش دیپ وادی کے قریب موجود ہے اور اس کے شمال مغرب کی طرف بڑھنے کی امید ہے۔
این ڈی ایم اے نے کہاہے کہ رفتار اور شدت کے لحاظ سےابتدائی پیش گوئیاں اکتوبر 2024 کے تیسرے ہفتے میں پاکستانی ساحلی پٹی کے ساتھ لینڈ فال کا امکان بتاتی ہیں۔
نیشنل ڈیزاسٹر مینجمنٹ اتھارٹی کے بیان کے مطابق اس بات کا امکان ہے کہ کم دباؤ کا یہ نظام ایک سائیکلون میں تبدیل ہو جائے گا جو کراچی سمیت پاکستان کے ساحلی علاقوں کو متاثر کر سکتا ہے۔
شہریوں اور اسٹیک ہولڈرزخاص طور پر ساحلی علاقوں میں رہنے والوں کو مشورہ دیا جاتا ہے کہ وہ صورتحال کے بدلتے ہی سرکاری اپ ڈیٹس اور ایڈوائزری سے باخبر رہیں۔
این ڈی ایم اے نے کہا کہ وہ متعلقہ محکموں کے ساتھ مل کر صورتحال پر مسلسل نظر رکھے ہوئے ہے تاکہ ضرورت پڑنے پر مزید اپ ڈیٹس جاری کی جاسکیں۔
