گوگل نیوز پر ہمیں فالو کریںنیٹ فلکس سیریز دہلی کرائم کے سیزن 3 میں نظر آنے والی خوبصورت اداکارہ جیا بھٹا چاریہ کیونکہ ساس بھی کبھی بہو تھی میں منفی کردار ادا کرنے کے باعث خاص شہرت رکھتی ہیں، بہت کم لوگ جانتے ہیں کہ اس اداکارہ نے کاسٹنگ کاؤچ اور بچپن میں گھریلو تشدد سمیت کتنے دکھ سہے تو اس مقام کو پہنچیں۔
حال ہی میں سامنے آنے والی ایک رپورٹ کے مطابق اداکارہ جیا بھٹا چاریہ کو بچپن میں ان کی سگی ماں کبھی رولنگ پن سے تشدد کانشانہ بناتی تھیں تو کبھی کوڑے سے۔ ایک حالیہ انٹرویو کے دوران جیا بھٹاچاریہ نے کہا کہ میرے والدین میری پیدائش پر خوش نہیں تھے، انہیں ہمیشہ سے ہی ایک بیٹے کی خواہش تھی، بیٹی کی نہیں۔
View this post on Instagram
اپنی ماں کے تکلیف دہ رویے کا ذکر کرتے ہوئے اداکارہ جیا بھٹا چاریہ نے کہا کہ مجھے کبھی کوڑے سے، کبھی رولنگ پن سے، کبھی چمٹے سے تو کبھی جوتوں سے مارا گیا۔ تمام تر تشدد نے مجھے بہت ضدی بنا دیا۔ میں اپنے والد کے بہت قریب تھی لیکن برسوں تک ماں سے تعلقات کشیدہ رہے۔ میں اداکاری کی بجائے موسیقی اور رقص کرنا چاہتی تھی۔
View this post on Instagram
تاہم خاندانی دباؤ نے جیا بھٹاچاریہ کو شوبز میں آنے پر مجبور کیا۔ ایک بار اس کے والد نے صبح 5بجے جگا کر شوٹنگ کروائی جبکہ یہ بھارتی اداکارہ انکار کرچکی تھیں اور انہیں اداکاری کا کوئی شوق نہیں تھا۔ تاہم سترہ اٹھارہ سال کی عمر میں جیا بھٹا چاریہ کو کاسٹنگ کاؤچ کا بھی سامنا ہوا جب ایک ڈائریکٹر کے دوست نے اداکارہ کے گھر کا رخ کرلیا۔
اداکارہ جیا بھٹا چاریہ کا کہنا ہے کہ مجھے بعد میں پتہ چلا کہ وہ مافیا سے منسلک ہے۔ بھارتی میڈیا کا کہنا ہے کہ اداکارہ نے بہت سی مشکلات سہیں لیکن ہمت نہیں ہاری اور حال ہی میں شیفالی شاہ اور ہما قریشی کی دہلی کرائم سیریز کے سیزن 3 میں اہم کردار میں جلوہ گر ہوئی ہیں جنہیں پسند کیا جارہا ہے۔
