گوگل نیوز پر ہمیں فالو کریںبالی ووڈ کی بڑے بجٹ کی حامل جاسوسی فلم دھرندر بھارت سمیت دنیا بھر میں سیکڑوں کروڑ کا بزنس کرنے کے بعد نیٹ فلکس پر اسٹریمنگ کیلئے دستیاب ہوگی۔ فلم میں رحمان ڈکیت کے روپ میں جلوہ گر ہو کر رقص کرنے والے اکشے کھنہ کی اداکاری کو سراہا جارہا ہے۔
ماضی قریب میں دھرندر کو 5دسمبر 2025 کو سینما گھروں میں ریلیز کیا گیا اور بڑی تجارتی کامیابی کے بعد اس فلم کو 30 جنوری 2026 کو نیٹ فلکس پر اسٹریمنگ کیلئے پیش کیا جارہا ہے، جبکہ اپنی تخلیق کے اعتبار سے دھرندر ایک جاسوسی اور ایکشن تھرلر فلم قرار دی جاتی ہے۔
View this post on Instagram
دھرندر کی کہانی ایک بھارتی خفیہ ایجنٹ کے گرد گھومتی ہے جو کراچی میں جرائم پیشہ اور سیاسی انڈر ورلڈ میں خفیہ طور پر جاگھستا ہے اور دہشت گردی کے نیٹ ورک کو توڑنے کی کوشش کرتا ہے۔ پاکستان مخالف بیانیے پر مشتمل فلم میں رحمان ڈکیت اور چوہدری اسلم کے کرداروں کو جس انداز میں پیش کیا گیا، وہ پاکستانی سامعین و ناظرین کو پسند نہیں آیا۔
فلم کی سب سے بڑی تصوراتی خامی اس کے ولن کے کرداروں کو گلیمرس انداز میں پیش کرنے کو قرار دیا جارہا ہے اور سوشل میڈیا صارفین یہ سوال اٹھا رہے ہیں کہ اگر رحمان ڈکیت ولن ہے تو اسے گیت میں رقص کرتا دکھا کر گلیمرائز کیوں کیا گیا اور اگر وہ ہیرو ہے تو اس کے کردار کی بلندی کہاں اجاگر ہوتی ہے؟
فلم کی کہانی مختلف حقیقی واقعات سے جوڑنا نہ صرف پاکستانی بلکہ بھارتی سامعین و ناظرین کی بصارت اور سماعت دونوں پر گراں گزرا اور بھارتی یوٹیوبر دھروو راٹھی نے تو اس کے خلاف ایک تفصیلی ویڈیو بھی بنائی اور بتایا کہ اس میں طیارہ ہائی جیکنگ، بھارتی پارلیمنٹ پر حملہ اور ممبئی حملے جیسے واقعات کے حوالے اصلی ہیں۔
View this post on Instagram
تاہم یہ فلم دو حصوں پر مشتمل ہے جس کا سیکوئل مارچ 2026 میں ریلیز کیے جانے کا منصوبہ ہے۔ فلم کی متنازعہ کہانی اور کرداروں کو مسخ کیے جانے کے باوجود اکشے کھنہ کی خاموش مگر خوفناک شخصیت، مکالموں کی ادائیگی اور اسکرین پر رونمائی کو فلم کے نمایاں عناصر میں شامل سمجھا جاتا ہے، جسے آج تک سراہا جارہا ہے۔
