ہالی ووڈ کی مقبول جوڑی کی خاموش شادی، مداح حیران

اتوار یکم مارچ کو 2026 کے ایکٹر ایوارڈز کی ریڈ کارپٹ تقریب میں شرکت کے دوران زندایا کے اسٹائلسٹ لا روچ نے ایسا بیان دیا جس نے سب کو چونکا دیا۔

ایک انٹرویو میں گفتگو کرتے ہوئے انہوں نے اشارہ دیا کہ ممکن ہے یہ جوڑا پہلے ہی شادی کر چکا ہو۔

روچ نے مزاحیہ انداز میں کہا ’’شادی تو پہلے ہی ہو چکی ہے، آپ سے مس ہو گئی۔‘‘

جب رپورٹر نے ان سے وضاحت چاہی کہ آیا وہ سنجیدہ ہیں یا نہیں، تو روچ ہنس پڑے اور جواب دیا ’’یہ بالکل سچ ہے۔‘‘

ان حیران کن بیانات کے باوجود نہ زندایا اور نہ ہی ٹام ہالینڈ نے اس دعوے کی باضابطہ تصدیق کی ہے۔