گوگل نیوز پر ہمیں فالو کریںپاکستان تحریک انصاف (پی ٹی آئی) کے چیئرمین بیرسٹر گوہر علی خان کا واٹس اپ اکاؤنٹ ہیک کرلیا گیا ہے۔ انہوں نے عوام اور پارٹی کارکنان سے درخواست کی ہے کہ ہیکرز کی جانب سے بھیجے جانے والے کسی بھی مشکوک پیغام یا کال پر بھروسہ نہ کریں۔
بیرسٹر گوہر علی خان نے اپنے سوشل میڈیا اکاؤنٹ ایکس پر تصدیق کی کہ یہ ہیکنگ آج صبح تقریباً 11 بجے ہوئی۔ ان کا کہنا تھا کہ ہیکرز اب ان کے نمبر کا استعمال کر کے مختلف افراد سے رابطہ کر رہے ہیں اور رقم کی درخواست بھی کر رہے ہیں، حالانکہ ان کا اکاؤنٹ اب ان کے کنٹرول میں نہیں رہا۔
Urgent – my WhatsApp number was hacked this morning sometime about 11am. The WhatsApp now stand deleted from my cell; some requests for money transfers have been made – please ignore all such requests while I seek recourse to the concerned authorities. Thanks
— Barrister Gohar Khan (@BarristerGohar) March 31, 2026
انہوں نے واضح کیا کہ ہیکرز کی جانب سے کسی بھی مالی مطالبے یا پیغام کو نظر انداز کیا جائے کیونکہ یہ ان کا اصل اکاؤنٹ نہیں ہے۔
پی ٹی آئی چیئرمین نے اپنے تمام رابطوں میں موجود افراد کو ہدایت کی کہ وہ محتاط رہیں اور کسی بھی قسم کے مالی لین دین سے گریز کریں تاکہ کسی بھی نقصان یا دھوکہ دہی سے بچا جا سکے۔
