پاکستانیوں سے تو کچھ ہوا نہیں لیکن، امریکی قانون ساز عمران خان کی رہائی کیلئے متحرک، کونسا بڑا اقدام اٹھالیا؟

درجنوں امریکی قانون سازوں نے صدر جو بائیڈن کے نام خط میں عمران خان کی رہائی کا مطالبہ کردیا۔

امریکی قانون سازوں نے اس بات پر روشنی ڈالی کہ فروری میں ہونے والے پاکستان کے پارلیمانی انتخابات اہم بے ضابطگیوں سے متاثر ہوئے، جن میں بڑے پیمانے پر انتخابی دھاندلی، ریاست کی جانب سے ووٹروں کو حق رائے دہی سے محروم کرنے کی کوششیں، اور سیاسی رہنماؤں، صحافیوں اور کارکنوں کی گرفتاریاں شامل ہیں۔

امریکی قانون سازوں نے خط میں عمران خان کی فوری رہائی اور پاکستان تحریک انصاف کے حامیوں کی من مانی حراست کو ختم کرنے کا مطالبہ کیا ہے۔

خط میں کہا گیا کہ ’’ہم درخواست کرتے ہیں کہ آپ کی انتظامیہ پاکستانی حکومت سے عمران خان کی حفاظت اور خیریت کے حوالے سے ضمانتیں حاصل کرے اور ہم امریکی سفارت خانے کے اہلکاروں سے جیل میں ان سے ملنے کی درخواست کرتے ہیں‘‘۔

خط میں کہا گیا کہ فروری کے الیکشن کے بعد سے صورتحال واضح طور پر آمریت کی طرف بڑھ گئی ہے۔مختصر طور پر پاکستان کا موجودہ نظام آمریت جیسا ہے۔

انہوں نے یہ بھی نشاندہی کی کہ پاکستانی حکومت نے سیاسی سرگرمی کو دبانے اور صحافیوں پر دباؤ ڈالنے کی ایک وسیع کوشش کے حصے کے طور پر سوشل میڈیا اور انٹرنیٹ پر اپنے کریک ڈاؤن کو تیز کر دیا ہے۔

یہ خط امریکی نمائندہ گریگ کیسر نے لکھا تھا جس میں جم میک گورن اور سمر لی اس کوشش کی قیادت کر رہے تھے۔ اس میں 72 سالہ عمران خان کو ایک سیاسی رہنما کے طور پر بیان کیا گیا ہے۔