گوگل نیوز پر ہمیں فالو کریںبھارت میں ایک ہندو انتہا پسند رہنما نے ایک جلسہ عام سے خطاب کرتے ہوئے مسلمانوں کی تیس ہزار مساجد کو توڑ کر مندر بنانے کا مطالبہ کیا ہے۔
سماجی رابطوں کی ویب سائٹ ٹوئٹر پر وائرل ایک ویڈیو میں بھارت میں ہندو بالادستی کے حامی ایک انتہا پسند رہنما کو کھلے عام مسلمانوں کے خلاف نفرت انگیز تقریر کرتے ہوئے دیکھا جا سکتا ہے۔
یہ بھی پڑھیں:
اقوام متحدہ کی اہم خاتون عہدیدار کا دورہ قندھار، اعلیٰ طالبان قیادت سے ملاقاتیں
اپنی پبلک تقریر میں انتہا پسند رہنما کہتا ہے کہ ہم نے ایک بابری مسجد کو توڑ کر رام مندر بنانے کا آغاز کیا ہے، پورے بھارت میں اب بھی 30,000 مساجد ایسی موجود ہیں، جو پہلے (ان کے دعوے کے مطابق) مندر تھے، ان سب کو توڑ کر مندر بنانا ہوگا۔
A Hindu supremacist leader in India openly giving a hate speech and calling for demolishing 30,000 mosques to build temples! pic.twitter.com/lCa9wTlBOt
— Ashok Swain (@ashoswai) January 21, 2023
انتہا پسند تنظیم بجرنگ دَل کے رہنما کا یہ بھی کہنا ہے کہ ہمارے آزو بازو پاکستان، افغانستان، بنگلہ دیش یہ سب ممالک ہندوستان کا حصہ تھے، یہ ہماری کمزوری کی وجہ سے الگ ملک بن گئے ہیں، ہمیں ان کو بھی واپس لینا ہے۔
