پیٹرول کی قیمتوں میں اضافہ، فواد چوہدری نے اونٹ کی سواری شروع کردی

اسلام آباد: حکومت نے پیٹرولیم مصنوعات کی قیمتوں میں ہوشربا اضافہ کردیا ہے، جس کے بعد سابق وفاقی وزیر فواد چوہدری نے اُونٹ پر سفر کرنا شروع کردیا۔

سماجی رابطے کی ویب سائٹ ٹوئٹر پر فواد چوہدری کے بھائی فراز چوہدری نے ایک ویڈیو شیئر کی جس میں دونوں بھائیوں کو اُونٹ کی سواری کرتے ہوئے دیکھا جاسکتا ہے۔

کنیال روڈ(جہلم) کے افتتاح کے موقع پر فواد صاحب کیساتھ ، اونٹوں پر ، کسے پتا تھا کہ #امپورٹڈحکومت پیٹرول کو اتنا مہنگا کر دے گی کہ اونٹوں پر سواری گاڑی پر سفر سے زیادہ اچھی لگنے لگی گی ۔ ????????#امپورٹڈ_حکومت_نامنظور pic.twitter.com/VujQoUKMgn

— Faraz Chaudhry (@Faraz999) June 18, 2022

ویڈیو میں دیکھا جاسکتا ہے کہ سابق وفاقی وزیر اور اُن کے بھائی کی اونٹ پر سواری کو دیکھنے کیلئے عوام کا ایک بڑا ہجوم بھی موجود ہے۔

یہ بھی پڑھیں:

فیٹف کے فیصلے سے خوشی ہوئی، جلد ملک کے معاشی حالات بہتر ہونگے، حنا ربانی کھر

فواد چوہدری کے بھائی نے اپنے ٹوئٹ میں لکھا کہ کنیال روڈ (جہلم) کے افتتاح کے موقع پر فواد صاحب کے ساتھ، اونٹوں پر سواری کی۔

اُنہوں نے لکھا کہ کسے پتا تھا کہ حکومت پیٹرول کو اتنا مہنگا کر دے گی کہ اونٹوں پر سواری گاڑی پر سفر سے زیادہ اچھی لگنے لگے گی۔

خیال رہے کہ پیٹرولیم مصنوعات کی قیمتوں میں تیسری مرتبہ اضافہ کر دیا گیا ہے جس کے بعد سے پیٹرول 24 اور ڈیزل 59 روپے لیٹر مہنگا مل رہا ہے۔