گوگل نیوز پر ہمیں فالو کریںدوحا: قطر میں جاری فیفا ورلڈکپ میں سعودی عرب گروپ کا دوسرا میچ آج پولینڈ کے خلاف کھیلے گا۔
الاقتصادیہ کے مطابق سعودی ٹیم کے کھلاڑیوں نے جمعے کو سیلین ریزروٹ سٹیڈیم میں اپنے ہیڈ کوچ ریناد کی نگرانی میں تربیتی سیشن کیا۔ تربیتی سیشن کا آغاز وارم اپ سے ہوا اور بعد میں پریکٹس میچ کھیلا گیا۔
سعودی ٹیم کے کپتان سلمان الفرج اور ریاض شراحیلی نے جو ارجنٹائن کے میچ میں زخمی ہوگئے تھے میڈیکل عملے کی نگرانی میں تربیتی سیشن میں حصہ لیا۔
ایک پریس کانفرنس میں سعودی ٹیم کے فرانسیسی ہیڈ کوچ نے کہا کہ یاسرالشھرانی کی جگہ الغنام، سعود یا البریک میں سے کسی ایک کو موقع ملے گا۔ ساتھ ہی ہمیں یہ بھی معلوم ہے کہ ہمارے سامنے بہت بڑا چیلنج ہے۔ سعودی عوام ارجنٹائن سے کامیابی پر پُرخوش اور نازاں بھی ہیں۔ ہم پُرسکون ہیں۔ ہمیں اسی انداز میں اپنا سفر مکمل کرنا ہوگا۔
مہسا امینی والی شرٹ پہننے پر ایرانی خاتون کو اسٹیڈیم سے نکال دیا گیا
یاد رہے کہ قطر میں جاری فیفا ورلڈ کپ کے گروپ سی کے میچ میں سعودی عرب نے ارجنٹائن کو شکست دے کر ٹورنامنٹ کا پہلا اَپ سیٹ کیا تھا۔
