گوگل نیوز پر ہمیں فالو کریںلاہور کے علاقے بھاٹی گیٹ کے مکان میں آتشزدگی کے نتیجے میں خواتین اور بچوں سمیت ایک ہی خاندان کے 10 افراد جاں بحق ہو گئے ہیں۔
تفصیلات کے مطابق بھاٹی گیٹ کے علاقے میں واقع مکان میں آتشزدگی کے نتیجے میں صبح سویرے صفِ ماتم بچھ گئی۔ گھر میں آگ لگ جانے کے باعث 7 بچوں اور 3خواتین سمیت 10افراد جاں بحق ہوئے۔
موٹروے پر ٹریفک حادثہ، کار میں آگ لگنے سے 5افراد جاں بحق
واقعے کی اطلاع ملنے پر فائر بریگیڈ، پولیس اور ریسکیو اہلکار جائے وقوعہ پر پہنچے۔ حکام کا کہنا ہے کہ آگ نے مکان کی تینوں منزلوں کو اپنی لپیٹ میں لے لیا تھا۔ گھر کے تمام افراد ایک ہی کمرے میں محصور ہوگئے۔
بعد ازاں فائر بریگیڈ نے آگ پر قابو پالیا۔ جاں بحق ہونے والے تمام افراد کی میتوں کو سرد خانے منتقل کردیا گیا ہے۔ آتشزدگی کی وجوہات پر تفتیش جاری ہے۔
خیال رہے کہ اس سے قبل موٹروے ایم 2 پنڈی بھٹیاں کے قریب خوفناک ٹریفک حادثے کے نتیجے میں کار کو آگ لگ گئی، جس کے باعث 5افراد جھلس کر زندگی کی بازی ہار گئے۔
ترجمان موٹروے پولیس کا گزشتہ ماہ اس واقعے کے متعلق کہنا تھا کہ اوور ٹیکنگ کے دوران کار بے قابو ہوکر درخت سے جا ٹکرائی، درخت میں ٹکرانے سے کار کا فیول ٹینک پھٹ گیا۔
