گوگل نیوز پر ہمیں فالو کریںکاروباری ہفتے کے پہلے روز پاکستان اسٹاک ایکسچینج میں مثبت رجحان دیکھا گیا اور سرمایہ کاروں کے اعتماد میں اضافے کے باعث تقریباً 1,200 پوائنٹس کا اضافہ ریکارڈ کیا گیا۔
آخری کاروباری روز جمعہ 31 اکتوبر 2025 کو 100انڈیکس 162,803 پوائنٹس پر بند ہوا جوکہ گزشتہ روز کے مقابلے میں 1,171 پوائنٹس یا 0.72 فیصد کا اضافہ تھا۔
مارکیٹ میں اہم شعبوں جیسے کاروباری گاڑیوں کے اسمبلی پلانٹ، سیمنٹ، کمرشل بینک، فرٹیلائزر، آئل اور گیس ایکسپلوریشن، آئل مارکیٹنگ کمپنیز ، پاور جنریشن اور ریفائنریز میں خریداری دیکھی گئی، اس دوران حبکو، اے آر ایل، ماری، او جی ڈی سی، پی پی ایل، پی او ایل، ایچ بی ایل، ایم ای بی ایل اور این بی پی جیسے بڑے انڈیکس کنٹری بیوٹرز سبز زون میں رہے۔
یہ مثبت صورتحال گزشتہ ہفتے کی سست کارکردگی کے بعد آئی ہے جب مارکیٹ جغرافیائی سیاسی غیر یقینی صورتحال منافع نکالنے کی سرگرمیوں اور ملا جلا کارپوریٹ نتائج کے باعث کمزور رہی۔ پچھلے ہفتے 100 انڈیکس 1.03 فیصد کمی کے ساتھ 161,631 پوائنٹس پر بند ہوا تھا۔
دوسری جانب پاکستانی روپیہ بھی امریکی ڈالر کے مقابلے میں معمولی بہتری دکھا رہا ہے۔ انٹربینک مارکیٹ میں روپیہ 0.06 فیصد مضبوط ہو کر 280.75 پر بند ہوا، یعنی 16 پیسے کا اضافہ ہوا۔
گزشتہ ہفتے بھی روپے کی قدر میں معمولی بہتری دکھائی تھی جب یہ ڈالر کے مقابلے میں 11 پیسے یا 0.04 فیصد اوپر گیا تھا۔
