گوگل نیوز پر ہمیں فالو کریںآسٹریلیا کے وزیراعظم اینتھونی البانسے نے اپنی طویل عرصے سے پارٹنر جودی ہیڈن سے شادی کر لی ہے جو آسٹریلیا کے کسی بھی موجودہ وزیراعظم کے عہدے کے دوران ہونے والی پہلی شادی ہے۔ یہ تاریخی تقریب کنبرا کے سرکاری رہائشگاہ دی لاڈج میں منعقد ہوئی جس کی تفصیلات آسٹریلیائی نشریاتی ادارے اے بی سی نے شائع کی ہیں۔
تقریب کی تفصیلات:
وزیراعظم اینتھونی البانسے شادی جمعہ کو منعقد ہوئی جو پارلیمنٹ کے 2025 کے آخری اجلاس کے فوراً بعد ہوئی۔تقریب میں قریبی خاندان اور دوستوں نے شرکت کی جبکہ تمام اخراجات دولہا اور دلہن نے خود برداشت کیے۔
شادی کی تقریب میں وزیر خزانہ جیم چالمرز اور ان کی اہلیہ، وزیر خارجہ پینی وونگ، وزیر خزانہ کیٹی گالاگھر، اور اے ایل پی کے نیشنل سیکریٹری پال ایرکسن شریک ہوئے۔
جودی ہیڈن نے آسٹریلیائی نژاد ڈیزائنرز کا تیار کردہ خوبصورت ڈریس زیب تن کیا جو آسٹریلیائی پودوں اور جدید سلوئٹ سے مزین تھی۔
جوڑے کا پس منظر:
اینتھونی البانسے اور جودی ہیڈن کا تعارف اکتوبر 2019 میں میلبورن میں ایک بزنس ڈنر میں ہوا جہاں دونوں کی مشترکہ دلچسپی ساؤتھ سڈنی ربی ليگ ٹیم تھی۔ دونوں نے 14 فروری 2024 کو منگنی کی اور شادی کا فیصلہ 2025 کے وفاقی انتخابات کے بعد کیا گیا۔ البانسے نے اپنے بیٹے ناتھن (جس کی والدہ ان کی سابق اہلیہ کارمل ٹیبٹ ہیں) سے اجازت لی تھی جو اس تقریب میں بھی موجود رہے۔
اس موقع پر وزیراعظم البانسے نے کہا کہ یہ ہمارے لیے ایک خوبصورت لمحہ ہے۔ ہم نے اپنے پیار کو خاندان اور دوستوں کے سامنے ظاہر کیا اور باقی زندگی ایک ساتھ گزارنے کا عہد کیا۔
یہ شادی آسٹریلیا کے کسی بھی وزیراعظم کے عہدے کے دوران ہونے والی پہلی شادی ہے۔ البانسے جو 2022 سے وزیراعظم ہیں نے اپنی دوسری مدت کے دوران اس تقریب کا انعقاد کیا جو ان کی حالیہ جیت کے چھ ماہ بعد ہوئی۔ سیکیورٹی خدشات کے باعث بڑی سیکیورٹی موجود تھی جو حالیہ دھمکیوں کے تناظر میں فطری تھی۔
آسٹریلیوی میڈیا نے اسے کرسمس ویڈنگ قرار دیا جبکہ سوشل میڈیا پر صارفین نے اس جوڑے کو مبارکباد دی۔ کچھ نے اسے رومانس اور قیادت کے امتزاج کی مثال قرار دیا جبکہ دوسروں نے سیکیورٹی انتظامات کی تعریف کی۔
