کائنات کی کھوج جاری، اینڈرومیڈا کی ہمسایہ فاسل کہکشاں دریافت

کائنات کی کھوج جاری ہے۔ ایک شوقیہ فلکیات دان نے نظامِ شمسی سے دور اینڈرومیڈا نامی کہکشاں کی ہمسایہ فاسل کہکشاں دریافت کرنے میں کامیابی حاصل کر لی ہے۔

تفصیلات کے مطابق جیمنی نارتھ دور بین قدیم ترین کہکشاؤں کے آثار ظاہر کرتی ہے۔ ایک شوقیہ فلکیات دان نے اینڈرومیڈا نامی زرد رنگ کی کہکشاں کے بیرونی کنارے پر ایک انوکھی مدھم سی کہکشاں کو دریافت کیا۔

یہ بھی پڑھیں:

کائنات کا 85فیصد حصہ نہ دکھائی دینے والے ڈارک میٹر پر مشتمل 

متعدد سائنسدان نئی کہکشاں کو بونی کہکشاں کے نام سے موسوم کر رہے ہیں جو فلکیات دانوں کیلئے نئی اصطلاح نہیں۔ کچھ ہی عرصہ قبل پلوٹو کو نظامِ شمسی سے خارج کرکے بونے سیارے کا نام دے دیا گیا تھا۔

اسی طرح بونی کہکشاں سے مراد بھی ایک ایسی کہکشاں ہے جو فلکیات دانوں کے مشاہدے میں آئی ہوئی کہکشاؤں کا پہلا فوسل قرار دیا جارہا ہے۔ سائنسدانوں کو توقع ہےکہ اس دریافت سے کائنات کے ماضی کو سمجھنے میں مدد ملے گی۔ 

ہر انسان اپنے ماضی کو جاننا چاہتا ہے۔ فلکیات دان بھی خلائی سائنس کی ابتدا سے ہی کہکشاؤں کا ماضی جاننے کیلئے بے چین رہے ہیں تاکہ کائنات کی ابتدا کا کھوج لگایا جاسکے۔ نئی کہکشاں کا نام پیگاسس 5 رکھا گیا ہے۔

نئی فاسل کہکشاں کو شوقیہ ماہرِ فلکیات جوسیپ ڈوناتیلو نے ڈی ای ایس آئی کے ذریعے دلچسپ دھند کے طور پر دریافت کیا۔ امریکی خلائی تحقیقاتی ادارہ (ناسا) بے شمار طلبہ کو فلکیات دان بننے کی ترغیب دے رہا ہے جو شوقیہ فلکیات دان کہلاتے ہیں۔