گوگل نیوز پر ہمیں فالو کریںبھارتی فلم انڈسٹری کے معروف اداکار اب صرف پردہ سیمیں پر ہی نہیں بلکہ شراب (الکوحل بیوریجز) کے پريميئم کاروبار میں بھی فعال کردار ادا کر رہے ہیں۔ حالیہ برسوں میں کئی بالی ووڈ سٹارز نے اپنے ذاتی برانڈز لانچ کیے ہیں جو عالمی معیار کی شراب پیش کر رہے ہیں۔ ان میں کنگ خان شارخ خان، سنجے دت، اجے دیوگن اور رنویر سنگھ سرفہرست ہیں۔ یہ رجحان بھارت کے بڑھتے ہوئے پريميئم الکوحل مارکیٹ کی عکاسی کرتا ہے جہاں صارفین اب روایتی برانڈز کی بجائے لگژری اور منفرد آپشنز کی طرف راغب ہو رہے ہیں۔
شارخ خان اپنے بیٹے آرین خان کے ساتھ مل کر لگژری اسپرٹس برانڈ D’YAVOL چلا رہے ہیں۔ یہ برانڈ aسکاٹ لینڈ میں تیار کردہ پریمیم بلینڈڈ مالٹ سکاچ وہسکی D’YAVOL Inception کے لیے مشہور ہے جو عالمی ایوارڈز جیت چکا ہے بشمول نیو یارک ورلڈ اسپرٹس کمپٹیشن میں بیسٹ اوورآل aسکاچ کا اعزاز۔ حال ہی میں 2025 میں Radico Khaitan کے ساتھ پارٹنرشپ کے بعد برانڈ نے پريميئم ٹیکیلہ سمیت نئے پروڈکٹس متعارف کروانے کا اعلان کیا ہے۔
بالی وڈ کے بابا سنجے دت نے 2023 میں Cartel Bros کے ساتھ مل کر پریمیم اسکاچ وہسکی برانڈ The Glenwalk لانچ کیا جو اسکاٹ لینڈ میں تیار اور بوٹل کیا جاتا ہے۔ یہ بلینڈڈ سکاچ مالٹ اور گرین وہسکیز کا امتزاج ہے جو پھلوں اور مصالحوں کے نوٹس پیش کرتا ہے۔ برانڈ نے مختصر عرصے میں کامیابی حاصل کی اور 2025 تک لاکھوں بوتلیں فروخت ہو چکی ہیں۔
اجے دیوگن نے 2025 میں Cartel Bros کے اشتراک سے لگژری سنگل مالٹ وہسکی برانڈ The GlenJourneys متعارف کروایا۔ یہ اسکاٹش ہالینڈ میں تیار کیا جاتا ہے اور اس کی Cask Series رَم، بوربن اور شیری کیسکز میں فنش کی جاتی ہے جو بھارتی صارفین کے ذائقے کے مطابق تیار کی گئی ہے۔ پرائميئم قیمت (تقریباً 6400 روپے) کے ساتھ یہ برانڈ عالمی ایوارڈز جیت چکا ہے اور بھارت میں تیزی سے مقبول ہو رہا ہے۔
رنویر سنگھ نے نومبر 2025 میں Allied Blenders and Distillers (ABD) کے پريميئم ڈویژن ABD Maestro کے ساتھ مل کر ہوم گرون ووڈکا برانڈ Rangeela لانچ کیا۔ یہ ٹرپل ڈسٹلڈ اور پلاٹینم چِل فلٹرڈ ووڈکا ہے جو ہموار اور ورسٹائل ہے خاص طور پر کاک ٹیلز کے لیے موزوں۔ برانڈ رنویر کی رنگین اور توانا شخصیت کی عکاسی کرتا ہے اور مہاراشٹرا سمیت کئی ریاستوں میں دستیاب ہے(750 ملی لیٹر کی قیمت تقریباً 2400 روپے)۔ رنویر اسے ان اپالوجیٹیکلی اوریجنل قرار دیتے ہیں جو بھارتی نوجوانوں کی تخلیقی اور پرجوش روح کی نمائندگی کرتا ہے۔
ماہرین کے مطابق بھارت کا الکوحل مارکیٹ تیزی سے بڑھ رہا ہے اور سیلیبرٹی برانڈز اس کی ترقی میں اہم کردار ادا کر رہے ہیں تاہم الکوحل کا استعمال صحت کے لیے نقصان دہ ہو سکتا ہے اور ذمہ داری سے استعمال کیا جائے۔
