کراچی میں گیس کا بحران، کمپریسر لگانے والوں کو 6 ماہ قید، ایک لاکھ جرمانہ ہوگا

کراچی: شہر قائد میں گیس کی بحران شدت اختیار کرنے کے ساتھ عوام نے کمپریسر کا استعمال شروع کردیا، ایس ایس جی سی نے کمپریسر لگانے والوں کو 6 ماہ قید، ایک لاکھ جرمانہ کا انتباہ جاری کردیا۔

ایس ایس جی سی حکام کا کہنا ہے کہ گیس کمپریسر کا استعمال غیر قانونی عمل ہے اوریہ گیس چوری کے زمرے میں آتا ہے اور ایسا کرنے والوں کیخلاف قانون میں 6 ماہ قید اور جرمانے کے سزاء موجود ہے۔

گیس پریشر بڑھانے والے سکشن پمپوں کا استعمال غیر قانونی اور انہتائی خطرناک کیسے ہے جانیئے۔۔#AajNews #AajPakistan @SidraIqbal pic.twitter.com/SRzUQnbSI7

— Aaj News (@aaj_urdu) January 6, 2022

واضح رہے کہ شہر قائد میں گیس کا بحران بڑھنے کے باعث شہریوں کی مشکلات میں اضافہ ہوگیاہے اورذرائع کے مطابق کراچی میں گیس کی قلت سے پریشان شہریوں نے ایل پی جی کے سلنڈر سے چولہا جلانا شروع کردیاہے۔

سلنڈر بھرنے کی دکانوں پر شہریوں کا رش بڑھ گیا ہے، شہریوں نے شکوہ کیاکہ گھروں میں گیس آتی نہیں، سلنڈر کی بھرائی جیب پر بوجھ ہے۔

مزید پڑھیں:گیس کا بحران

ایل پی جی بھی دو سو بیس روپے کلو ہے، اس کے باوجود سلنڈر بھروانے کی دکانوں پر شہریوں کا رش ہے۔بعض شہری کہتے ہیں گھروں میں سلنڈر کا استعمال خطرناک ہے، لیکن گیس کی قلت کی شکایت کا بھی تو کوئی فائدہ نہیں۔

گیس کی قلت سے جہاں شہری پریشان ہیں وہیں اس کام سے منسلک افراد کا کاروبار خوب چمک رہا ہے۔ پہلے دو چار سلنڈر فل ہوتے تھے لیکن اب یہ تعداد کافی بڑھ گئی ہے۔