گوگل نیوز پر ہمیں فالو کریںاسلام آباد: پاکستان کے سیلاب زدگان کی مدد کے لئے جرمنی نے مزید ایک کروڑ یورو (2 ارب 15کروڑ روپے سے زائد) کا اعلان کیا ہے۔
ٹوئٹر پر ایک پوسٹ میں پاکستان میں جرمن سفیر الفریڈ گراناس کا کہنا تھا کہ مجھے یہ بتاتے ہوئے خوشی ہو رہی ہے کہ جرمنی نے ایک بار پھر پاکستان میں سیلاب کی تباہ کاریوں سے نمٹنے کے لیے اپنی امداد میں مزید ایک کروڑ یوروکا اضافہ کر دیا ہے۔
جرمن سفیرکے مطابق اس سے ہماری مجموعی امداد 6 کروڑ یورو سے زائد تک جاپہنچی ہے۔
انہوں نے کہا کہ ہم اس مشکل وقت میں اپنے پاکستانی دوستوں کے ساتھ کھڑے رہیں گے۔مشکل کے وقت میں تنہا نہیں چھوڑیں گے۔
