گوگل نیوز پر ہمیں فالو کریںحال ہی میں ایک سالہ بچی کے ماں باپ بننے والے فنکار جوڑے زین ملک اور جیجی حدید کی علیحدگی نے دونوں فنکاروں کے مداحوں کو سوگوار کردیا۔ پاکستانی نژاد گلوکار زین اور فلسطینی نژاد امریکی سپر ماڈل جیجی نے راہیں جدا کرلی ہیں۔
تفصیلات کے مطابق جیجی حدید اور زین ملک 2015 سے ملاقاتوں اور رازو نیاز میں مصروف تھے اور گزشتہ برس ستمبر میں دونوں کے ہاں ایک خوبصورت بیٹی پیدا ہوئی۔
پاکستانی نژاد گلوکار زین ملک نے ایک رشتہ دار کے معاملے پر بحث و تکرار کے بعد اپنی اور جی جی حدید کی راہیں جدا ہونے کے متعلق بیان جاری کرتے ہوئے کہا کہ یہ ہمارا نجی معاملہ ہے۔
زین ملک کا بیان
فوٹو شیئرنگ پلیٹ فارم انسٹاگرام پر گلوکار زین ملک نے کہا کہ میں ہمیشہ سے یہ معاملہ اپنی ذات تک محدود رکھنا چاہتا تھا تاکہ ہمارے گھر کا ماحول پر سکون رہے۔
انسٹاگرام پیغام میں زین ملک نے کہا کہ میں اپنی بیٹی کو ایک والد ہونے کے ناطے تمام وہ حقوق دینا چاہتا تھا جن کی وہ مستحق ہے لیکن یہ معاملہ میڈیا تک پہنچا دیا گیا۔
اپنی بیٹی کو تمام تر صورتحال میں تحفظ دینے کیلئے عزم کا اظہار کرتے ہوئے زین ملک نے کہا کہ مجھے امید ہے کہ میں اپنی بیٹی کو ذاتی معلومات سے متعلق تحفظ دے سکوں گا۔
جیجی حدید کا بیان
شراکت دار زین ملک اور والدہ یولانڈا کے بیانات کے برعکس جی جی حدید کے نمائندگان نے ایک مختلف بیان جاری کرتے ہوئے ان کے مؤقف کو واضح کیا ہے۔
فلسطینی نژاد امریکی سپر ماڈل جی جی حدید کے نمائندے نے کہا کہ سپر ماڈل کا سارا دھیان اپنی بیٹی کی بہترین تعلیم و تربیت پر ہے۔ انہیں سارے معاملات میں پرائیویسی چاہئے۔
علیحدگی کی وجوہات
بعض میڈیا رپورٹس سے یہ بات سامنے آئی ہے کہ زین ملک نے جی جی کی والدہ یولانڈا حدید کو مارا، تاہم پاکستانی نژاد گلوکار نے ایسے تمام دعووں کو جھٹلایا ہے۔
