گوگل نیوز پر ہمیں فالو کریںاسلام آباد: وزارت منصوبہ بندی نے اعلان کیا ہے کہ اگلے پانچ سے سات سال کے دوران پاکستان بھر میں 95ہزار سے زائد روزگار کے مواقع پیدا کیے جائیں گے۔ یہ ملازمتیں ملک بھر میں مختلف شعبوں میں جاری بڑے ترقیاتی منصوبوں کے نفاذ سے پیدا ہوں گی۔
سرکاری دستاویزات کے مطابق سینٹرل ڈیویلپمنٹ ورکنگ پارٹی نے صرف اکتوبر 2025میں 12ترقیاتی منصوبے منظور کیے، جو توانائی، پانی، زراعت، حکومت، صحت، تعلیم اور دیگر اہم شعبوں سے متعلق ہیں اور قومی ترقی کی وسیع ترجیحات کی عکاسی کرتے ہیں۔
وزارت منصوبہ بندی نے مزید تصدیق کی کہ چھ بڑے ترقیاتی منصوبے حتمی منظوری کے لیے ایکنک کو بھیج دیے گئے ہیں۔ ان منصوبوں سے تخمینہ لگایا گیا ہے کہ فوری طور پر 2501نئی ملازمتیں پیدا ہوں گی۔
پی ایس ڈی پی فنڈنگ
حکومت نے پبلک سیکٹر ڈیولپمنٹ پروگرام کے 1000ارب روپے کے بجٹ میں سے پہلے چار ماہ کے دوران 330ارب روپے جاری کرنے کی منظوری دی ہے۔
اکتوبر تک وزارت منصوبہ بندی نے 33فیصد فنڈز جاری کر دیے تھے اور اس عرصے میں 134ارب روپے سے زائد مختلف شعبوں میں استعمال کیے گئے۔
شعبوں کے مطابق ترقیاتی اخراجات کا خلاصہ:
انفراسٹرکچر اور ٹرانسپورٹ: 626ارب روپے کے بجٹ میں سے 46ارب روپے استعمال کیے گئے۔
ٹرانسپورٹ اور کمیونی کیشن: 333ارب روپے میں سے 25 اعشاریہ 93ارب روپے خرچ ہوئے۔
توانائی کا شعبہ: 4ماہ میں 2 اعشاریہ 54 ارب روپے خرچ، کل بجٹ 122اعشاریہ 65ارب روپے۔
فزیکل پلاننگ اور ہاؤسنگ: 72 اعشاریہ 73ارب روپے میں سے 4اعشاریہ 69ارب روپے استعمال۔
آبی وسائل: 9اعشاریہ 97ارب روپے میں سے 12اعشاریہ 95ارب روپے خرچ۔
گورننس: 11اعشاریہ 17ارب میں سے 650ملین روپے خرچ۔
سائنس اور ٹیکنالوجی: 37اعشاریہ 59ارب میں سے ایک اعشاریہ 69ارب روپے استعمال۔
یہ اعداد و شمار ظاہر کرتے ہیں کہ ملک میں ترقیاتی منصوبوں کے نفاذ سے ملازمت کے مواقع پیدا کرنے کی تیز رفتار کوششیں جاری ہیں اور مختلف شعبوں میں سرمایہ کاری سے قومی معیشت کو تقویت مل رہی ہے۔
