گوگل نیوز پر ہمیں فالو کریںحکومتِ پاکستان نے عوام کے لیے ایک بڑی اور خوش آئند سہولت کا اعلان کیا ہے جس کے تحت شہری اب اپنا پہلا قومی شناختی کارڈ بالکل مفت حاصل کر سکیں گے۔
نادرا کے جاری کردہ اعلامیے کے مطابق وہ شہری جو پہلی بار شناختی کارڈ بنوا رہے ہیں، ان سے کسی بھی قسم کی فیس وصول نہیں کی جائے گی۔ یہ سہولت صرف ان کارڈز کے لیے ہے جو بغیر اسمارٹ چپ کے جاری کیے جائیں گے۔
نادرا حکام کے مطابق شہری آج ہی قریبی نادرا مرکز تشریف لا کر درخواست جمع کروا سکتے ہیں جبکہ 15 دن کے اندر انہیں ان کا شناختی کارڈ فراہم کر دیا جائے گا۔ حکومت کا یہ اقدام عوامی سہولت اور شہری شناخت کے نظام کو مزید بہتر بنانے کے لیے اٹھایا گیا ہے۔
یہ فیصلہ خاص طور پر ان شہریوں کے لیے باعثِ اطمینان ہے جو مالی مشکلات کی وجہ سے شناختی کارڈ بنوانے میں تاخیر کر رہے تھے۔ حکومت نے واضح کیا ہے کہ اس اسکیم کے تحت کسی بھی شہری سے فیس یا اضافی چارجز نہیں لیے جائیں گے۔
