گوگل نیوز پر ہمیں فالو کریںاسلام آباد: وفاقی وزیر برائے سائنس وٹیکنالوجی فواد چوہدری نے کہا ہے کہ وزیر اعظم عمران خان کی قیادت میں حکومت نے گاڑیوں کے معیار پر بڑی اصلاحات لانے کا فیصلہ کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیر سائنس و ٹیکنالوجی فواد چوہدری نے کہا کہ حکومت نے پاکستان میں معیار یعنی اسٹینڈرڈز پر بڑی اصلاحات لانے کا سلسلہ شروع کر دیا ہے۔
وفاقی وزیر برائے سائنس و ٹیکنالوجی فواد چوہدری نے کہا کہ حکومت فوڈ اور الیکٹرونکس کے بعد پاکستان میں بننے والی گاڑیوں کو بھی اسٹینڈرڈز کے نظام میں شامل کرے گی۔
وزیر سائنس و ٹیکنالوجی فواد چوہدری نے کہا کہ گاڑیوں کو اسٹینڈرڈز کے نظام میں شامل کرنے کے لیے آل پاکستان آٹو موبائل ایسوسی ایشن اور تمام اسٹیک ہولڈرز کا اجلاس 26 فروری کو بلایا گیا ہے۔
پاکستان میں معیار یعنی اسٹینڈرڈز پر بڑی اصلاحات لانے کا سلسلہ شروع کر دیا ہے، فوڈ اور الیکٹرونکس کے بعد اب پاکستان میں بننے والی گاڑیوں کو اسٹنڈرڈز کے نظام میں شامل کیا جائیگا،اس سلسلے میں All Pak Automobiles Association اور تمام اسٹیک ہولڈرز کا اجلاس 26 فروری کو بلا رہے ہیں
— Ch Fawad Hussain (@fawadchaudhry) February 19, 2020
یاد رہے کہ اس سے قبل صوبائی وزیر برائےپارلیمانی امور مکیش کمار چاؤلہ کی ہدایت پر محکمہ ایکسائز سندھ نے ٹیکس نادہندہ گاڑیوں سے ٹیکس وصولی کی مہم صوبے بھر میں شروع کردی۔
یہ مہم 2 جنوری تک جاری رہی اور صرف کراچی میں 22 مقامات پر سات ٹیموں نے چیکنگ کی۔شہرِ قائد میں مختلف مقامات پر چیکنگ کا سلسلہ گزشتہ برس 23 دسمبر کو شروع کیا گیا تھا۔
مزید پڑھیں: ٹیکس نادہندہ گاڑیوں کے خلاف روڈ چیکنگ مہم شروع
