حکومت نے فرح گوگی کو تحقیقات کیلئے پاکستان لانے کا فیصلہ کرلیا

 اسلام آباد: وفاقی حکومت نے سابق خاتون اول بشری بی بی کی قریبی دوست فرحت شہزادی عرف فرح گوگی کو دبئی سے   پاکستان لانے کا فیصلہ کرلیا ہے۔ 

خیال رہے کہ فرح گوگی پر الزام ہے کہ انہوں نے عمران نیازی کی فرنٹ مین کا کردار ادا کیا اور اس حوالے سے ان سے حقائق معلوم کرنے ہیں، فرح گوگی پر جو الزامات سامنے آئے ہیں ان کی تفتیش کے لئے ان موجودگی ضروری ہے۔ ذرائع کا کہنا ہے کہ فرح گوگی کو دوبئی سے واپس لانے کی قانونی کارروائی کا آغاز کر دیا گیا ہے۔

#BREAKING: Govt decides to bring back Farah Gogi for investigation in #Pakistan. pic.twitter.com/SHprQOOszx

— Asad Ali Toor (@AsadAToor) May 5, 2022

پاکستان کے سینیئر صحافیوں کے مطابق فرح گوگی خاتون اول بشریٰ بی بی کی دوست ہیں، ایک سینئر پاکستانی صحافی کے مطابق فرح گوگی جسے فرح گجر کے نام سے بھی جانا جاتا ہے، کے دبئی میں آصف علی زرداری کے رضاعی بھائی اویس مظفر ٹپی سے بھی روابط ہیں۔

یہ بھی پڑھیں: پی ٹی آئی رہنما شہباز گل کی گاڑی موٹروے پر حادثے کا شکار

خیال رہے کہ فرح گوگی احسن جمیل گجر کی اہلیہ اور پاکستان مسلم لیگ نواز کے ایم پی اے اقبال گجر کی بہو ہیں جو 2018 میں گوجرانوالہ سے ایم پی اے بنی تھیں۔ وہ 1985 سے نواز شریف کی حکومت میں وزیر رہیں۔