گوگل نیوز پر ہمیں فالو کریںاسلام آباد :وفاقی حکومت نے لاک ڈاؤن ایس او پیز کی خلاف ورزی کرنے والی تمام بڑی مارکیٹوں کو بند کرنے کا فیصلہ کیا ہے، پنجاب اور خیبر پختونخوا میں کارروائی شروع کردی گئی۔
وزیر اعظم کے معاون خصوصی برائے سیاسی روابط شہباز گل نے اپنے ٹوئٹر پیغام میں کہا ہے کہ نیشنل کمانڈ اینڈ آپریشن سینٹرکے فیصلوں کے تحت لاک ڈاؤن ایس او پیز کی خلاف ورزی پر آج پاکستان بھر میں بڑی مارکیٹیں بند کرنے کا فیصلہ کرلیا ہے۔
انہوں نے کہا کہ موذی وباء سے بچاؤ کیلئے ہمیں ہر حال میں ایس او پیز پر عمل کرنا ہے، پنجاب اور خیبر پختونخوا میں ایس او پیز کی خلاف ورزی پرآپریشن شروع کردیاگیا ہے۔
پنجاب کے چیف سیکریٹری جواد رفیق ملک کاکہنا ہے کہ لوگوں کا غیر ذمہ دارانہ رویہ اموات کا باعث بن رہا ہے۔ انہوں نے کہا کہ صرف ایس او پیز پر عمل کرکے ہی اس وباء کو قابو کیا جاسکتا ہے۔
نیشنل کمانڈ اینڈ آپریشن سینٹر کے فیصلوں کی روشنی میں پنجاب میں بڑی مارکیٹس بند رہیں گی۔ صنعتی علاقے ، بازار اور ٹرانسپورٹ قواعد کی پابندی کریں گے اور خلاف ورزیوں پر جرمانہ عائد کیا جائے گا۔
مزید پڑھیں:پاکستان میں 1 روز کے دوران سب سے زیادہ کیسز ریکارڈ، 85 ہزار264 افراد متاثر
