گوگل نیوز پر ہمیں فالو کریںشوبز انڈسٹری کی دلکش اداکارہ اشنا شاہ نے اپنے ساتھ کام کرنے والوں کو بھائی کہنے کی وجہ بتائی ہے۔
سماجی رابطے کی ویب سائٹ ٹوئٹر پر اپنے ایک پیغام میں اشنا شاہ نے لکھا کہ بہت سے لوگ یہ سوال کرتے ہیں کہ بھائی کیوں کہتی ہو، پیشہ وارانہ ماحول میں ہمیں بھائی کہنے کا شوق نہیں بلکہ ضرورت ہوتی ہے۔
ٹوئٹر پیغام میں اشنا شاہ نے کہا کہ اگر بھائی نہ کہیں تو بہت سے حضرات کا دماغ خراب ہوجاتا ہے۔
انہوں نے مزید لکھا کہ اگر آپ لڑکی یا عورت کو کولیگ یا پیشہ ورانہ دوست کی حیثیت سے لیں تو بھائی بنانے کی ضرورت نہیں ہوگی۔
خیال رہے کہ اُشنا شاہ ہمیشہ ہی سوشل میڈیا پر اپنے خیالات کا اظہار کافی بے باکی سے کرتی آئی ہیں۔
قبل ازیں انہوں نے شوبز انڈسٹری کے رازوں سے پردہ اُٹھاتے ہوئے بتایا تھا کہ شوبز انڈسٹری میں زیادہ تر لوگ فراڈیے اور بیشتر چیزیں حقیقت کے برعکس ہیں۔
