حبا بخاری اور احسن خان پختون ڈرامے میں جلوہ گر ہوں گے

معروف اداکارہ حبا بخاری جلد ہی اداکاراحسن خان کے ساتھ پختون ڈرامے میں نظر آئیں گی۔

علی فیضان کی ہدایت کاری میں بننے والے اس ڈرامے کو مصباح علی سید نے لکھا ہے جبکہ ڈرامے کی پروڈکشن 7 اسکائے انٹرٹینمنٹ نے دی ہے۔ ڈرامہ ’پختون کلچر‘ پر مبنی ہے، اس کی شوٹنگ سوات میں کی گئی ہے، ڈرامے کی کاسٹ میں ریحان شیخ، شہزاد شیخ، حارث وحید، سید جبران، حبا بخاری، مہربانو، فرحان علی آغا اور احسن خان سمیت دیگر اداکار شامل ہیں۔

 

View this post on Instagram

 

A post shared by Geo TV – Har Pal Geo (@harpalgeotv)

 

View this post on Instagram

 

A post shared by Geo TV – Har Pal Geo (@harpalgeotv)

ڈرامے کے ٹیزر سے ایسا لگتا ہے کہ مذکورہ ڈرامے میں احسن خان منفی کردار ادا کررہے ہیں جو کہ خواتین کی اعلیٰ تعلیم کے خلاف ہے بعدازاں ڈرامے میں سوات کے دلکش نظاروں کو بھی دکھایا گیا ہے۔

یہ بھی پڑھیں: سجل علی نے غمگین ہو کر کیا پیغام شیئر کیا؟

مزید برآں معروف اداکارہ علیزے شاہ جلد ہی اداکارشہزاد شیخ کے ساتھ عید پرایک ٹیلی فلم میں نظر آئیں گی، ٹیلی فلم کا نام چاند رات اور چاندنی ہے۔ ٹیلی فلم کی کہانی ایک ایسے نوجوان کی ہے جو اپنی محبت حاصل کرنے کے لیے کسی بھی حد تک جا سکتا ہے۔

شہزاد شیخ نے حال ہی میں ایک صحافی کو انٹرویو دیتے ہوئے اس ٹیلی فلم کے بارے میں تفصیل سے بات کی اور اس کی کہانی ایک ایسے نوجوان کی ہے جو اپنی محبوبہ کی شادی سے روکنے کے لیے کسی بھی حد تک جا سکتا ہے اور اسے ہمیشہ کے لیے اپنے ساتھ رکھنے کے لیے اسے اغوا کر لیتا ہے۔

فلم کی شوٹنگ جارجیا میں کی گئی ہے اور یہ ایورریڈی پکچرز کی پیشکش ہے۔ یہ فلم 17 جون 2022 کو دنیا بھر میں ریلیز کی جائے گی۔