گوگل نیوز پر ہمیں فالو کریںبالی وڈ کنگ شاہ رخ خان اپنی فلم پٹھان کے گانے’بے شرم رنگ’کی وجہ سے مشکل میں پھنس گئے اور اب ہندو انتہا پسندوں نے کنگ خان کو زندہ جلانے کی دھمکیاں بھی دےدی۔
فلم پٹھان کے گانے بےشرم رنگ میں اداکارہ دیپیکا پڈکون کے زعفرانی رنگ کے لباس کے منظر کو بھارتی انتہا پسندوں نے مذہبی تعصب کا رنگ دیتے ہوئے پابندی کا مطالبہ کیا تھا۔
تاہم اب بات فلم پر پابندی کے مطالبے سے آگے بڑھتے ہوئے شاہ رخ خان کو جان سے مانے کی دھمکیوں پر اتر آئی ہے اور ہندو انتہا پسند پنڈت پرمہنس آچاریہ کی جانب سے بالی وڈ سپر اسٹار کو زندہ جلانے کی دھمکی دی گئی ہے جس کی ویڈیو بھی سوشل میڈیا پر وائرل ہے۔
This is disgusting !!! He is the same ‘Guru’ Paramhans Acharya who threatened to take ‘Jal Samadhi’ if the country was not declared a Hind00 Rashttra by 2nd Oct 2021
Now he’s threatening #SRK
Boycott the Party which supports such ‘Gurus’
. pic.twitter.com/DnnrOezbXY— Katyusha (@Indian10000000) December 20, 2022
سوشل میڈیا پر وائرل ویڈیو میں ہندو انتہا پسند پنڈت کو بھارتی میڈیا سے گفتگو میں شاہ رخ خان کو دھمکیاں دیتے سنا جا سکتا ہے جس میں وہ کہہ رہے ہیں کہ آج ہم نے شاہ رخ خان کا پوسٹر جلایا ہے اور وہ تلاش میں ہیں کہ اگر انہیں کہیں جہادی شاہ رخ خان مل جائے تو وہ اسے زندہ جلا دیں گے۔
دوسری جانب سوشل میڈیا پر ایک جعلی تصویر وائرل ہورہی ہے جس میں بھارتی اداکارہ دیپیکا پڈوکون کی تصویر پر یوپی کے چیف منسٹر کی تصویر لگی ہوئی ہے۔ جس پر لکھنؤ سائبر سیل نے نامعلوم افراد کے خلاف فوٹو شاپ تصویر پھیلانے پر مقدمہ درج کیا ہے اور تحقیقات شروع کردی ہے۔
خیال رہے کہ فلم پٹھان 25 جنوری 2023 کو سنیما گھروں کی زینت بنے گی اور فلم میں شاہ رخ خان، جان ابراہم اور دپیکا پڈوکون نے مرکزی کردار ادا کیا ہے۔
