گوگل نیوز پر ہمیں فالو کریںبرطانیہ میں 63 سالہ سارہ مُلالی نے ایک بدسلوکی اسکینڈل کے بعد اپنے پیشرو کی رخصتی کے بعد باقاعدہ طور پر آرچ بشپ آف کینٹربری کا منصب سنبھال لیا، یہ چرچ کی 1400 سالہ تاریخ کا منفرد واقعہ ہے۔
ملالی، جو ماضی میں ایک مڈوائف رہ چکی ہیں، کو جنوب مشرقی انگلینڈ میں واقع کینٹربری کیتھیڈرل میں ایک تاریخی تقریب کے دوران اس عہدے پر فائز کیا گیا۔ اس موقع پر برطانوی شاہی خاندان کے اہم افراد، جن میں شہزادہ ولیم اور ان کی اہلیہ کیتھرین، سمیت تقریباً 2 ہزار افراد شریک ہوئے۔
اگرچہ سارہ ملالی جنوری میں ہی باضابطہ طور پر اس منصب پر فائز ہو چکی تھیں، تاہم بدھ کے روز منعقد ہونے والی اس تقریب نے چرچ آف انگلینڈ کے سربراہ اور عالمی اینگلیکن کمیونین کے روحانی پیشوا کے طور پر ان کی عوامی خدمات کا باقاعدہ آغاز ظاہر کیا۔
اینگلیکن کمیونین، جس میں امریکی ایپسکوپل چرچ سمیت متعدد خودمختار گرجا گھر شامل ہیں، دنیا بھر میں 100 ملین سے زائد پیروکاروں پر مشتمل ایک بڑی مسیحی برادری ہے۔
