گوگل نیوز پر ہمیں فالو کریںسہون کے علاقے کائی میں نینگ روڈ پر ایک دل دہلا دینے والا ٹریفک حادثہ پیش آیا جہاں نینگ سے واپس آنے والی ایک مسافر کوچ بے قابو ہو کر سڑک کنارے بیٹھے بھکاریوں پر چڑھ گئی۔ حادثے کے نتیجے میں تین بھکاری موقع پر ہی جان کی بازی ہار گئے جبکہ ایک شخص کو شدید زخمی حالت میں اسپتال منتقل کر دیا گیا ہے۔
عینی شاہدین کے مطابق کوچ اچانک ڈرائیور کے قابو سے باہر ہو گئی اور سڑک کے کنارے بیٹھے افراد کو کچلتی ہوئی آگے بڑھ گئی۔ حادثے کے باعث بس میں سوار متعدد مسافر بھی زخمی ہو گئے، جنہیں فوری طور پر قریبی طبی مرکز منتقل کیا گیا۔
واقعے کی اطلاع ملتے ہی پولیس اور ریسکیو ٹیمیں موقع پر پہنچ گئیں لاشوں اور زخمیوں کو اسپتال منتقل کیا گیا جبکہ پولیس نے حادثے کی وجوہات جاننے کے لیے تحقیقات شروع کر دی ہیں۔
