گوگل نیوز پر ہمیں فالو کریںیوکرین نے روس کے مختلف علاقوں پر بڑے پیمانے پر ڈرون حملے کیے ہیں جن میں کم از کم 4 افراد ہلاک اور درجنوں زخمی ہو گئے۔ روسی حکام کے مطابق یہ حملے اتنے وسیع تھے کہ دارالحکومت ماسکو کے نواحی علاقوں تک ان کے اثرات محسوس کیے گئے جو جاری جنگ میں ایک غیر معمولی شدت کی نشاندہی کرتے ہیں۔
روسی وزارت دفاع اور سرکاری خبر رساں ادارے ٹاس کے مطابق مجموعی طور پر 556 ڈرونز کو یا تو تباہ کر دیا گیا یا فضا میں ہی روک لیا گیا۔ یہ حملے ایک درجن سے زائد علاقوں میں کیے گئے جن میں ماسکو ریجن بھی شامل ہے۔ یوکرین کے صدر نے ان کارروائیوں کو روسی حملوں کا جائز جواب قرار دیا ہے اور کہا ہے کہ روس کو اپنی جنگ کے انجام کے لیے تیار ہونا چاہیے۔
Ukraine hit Russian energy infrastructure with drone attacks. Ukraine launched a massive drone strike on the Moscow region. Russian officials reported intercepting over 550 Ukrainian drones overnight into May 17. pic.twitter.com/fpqAYxeJSS
— Donald J Trump Posts TruthSocial (@TruthTrumpPost) May 17, 2026
ماسکو کے قریب علاقوں خصوصاً خیمکی اور میتیشچی میں رہائشی عمارتیں ڈرون حملوں کی زد میں آئیں جس کے نتیجے میں 3 افراد موقع پر ہلاک اور 12 زخمی ہوئے۔ علاقائی گورنر آندرے وروبیوف کے مطابق کئی رہائشی علاقوں کو بھی نقصان پہنچا ہے۔ اطلاعات کے مطابق ایک بھارتی شہری بھی اس حملے میں ہلاک جبکہ تین زخمی ہوئے ہیں۔
Ukraine launches one of its biggest drone attacks on Moscow region. According to Moscow, over 120 drones targeted the capital region overnight. pic.twitter.com/6Lsx4zkIRr
— CGTN (@CGTNOfficial) May 18, 2026
حملوں کے اثرات صرف ایک علاقے تک محدود نہیں رہے بلکہ ماسکو کے قریب کئی دیگر قصبوں میں بھی رہائشی عمارتیں متاثر ہوئیں۔ حکام کے مطابق یہ صورتحال اس بات کی نشاندہی کرتی ہے کہ جنگ اب روس کے مرکزی طاقت کے مراکز کے مزید قریب پہنچ رہی ہے۔
Moscow, Russia – Ukraine carried out a massive overnight drone assault on the Moscow region and other Russian areas, described by officials as one of the largest such attacks since the start of the full-scale war in 2022. At Least 3-5 Killed, Dozens Injured pic.twitter.com/c0pyrzMD7a
— NextMinute News (@nextminutenews7) May 18, 2026
زلیونوگراڈ کے ایک مضافاتی علاقے میں ڈرون یا اس کے ملبے نے رہائشی عمارت کی نچلی منزل کو نقصان پہنچایا۔ متاثرہ عمارت کے باہر لوگ جمع ہو کر صورتحال دیکھتے رہے جبکہ مرمت کا کام جاری تھا۔ کچھ رہائشیوں نے یہاں تک بات کی کہ اب ڈرون حملوں کے خطرے کے پیش نظر گھروں کے لیے نئی انشورنس پالیسیوں پر غور کیا جا رہا ہے۔
Footage capturing a Ukrainian kamikaze drone strike on a residential high-rise in Ryazan, Russia.
The attack left several civilians dead and many others injured, including children.
Yet incidents like this rarely make headlines in Western media. Think why? pic.twitter.com/Be4sFxuVOE
— Russian Embassy in Kenya/Посольство России в Кении (@russembkenya) May 18, 2026
عمارت کے اندر شیشے کے ٹکڑوں سے زخمی افراد کے خون کے نشانات بھی دیکھے گئے۔ ایک خاتون رہائشی ماریہ نے بتایا کہ علاقے کے لوگ اب آسمان میں ڈرونز کی موجودگی کے عادی ہونے لگے ہیں اور وہ خود بھی خطرے کے پیش نظر کھڑکیوں پر ٹیپ لگا کر احتیاط کرتی ہیں۔
ان کا کہنا تھا کہ ان کا کم عمر بیٹا گھر میں اکیلا تھا جب پہلا دھماکہ ہوا اور اس نے فوراً انہیں فون کیا اس کے بعد دوسرا دھماکہ بھی سنائی دیا۔ ماریہ نے یہ بھی شکایت کی کہ ایمرجنسی سروسز تاخیر سے پہنچیں جس کی وجہ سے ان کا بیٹا سرد موسم میں باہر اکیلا کھڑا رہا۔
ان کے مطابق جنگ کا یہ پانچواں سال ہے اور اب تک ہنگامی اداروں کی تیاری مزید بہتر ہونی چاہیے تھی تاہم صورتحال اب بھی غیر یقینی اور تشویشناک نظر آتی ہے۔
