گوگل نیوز پر ہمیں فالو کریںچین کے جنوب مغربی علاقے گوانگ شی میں پیر (18 مئی) کی صبح آنے والے 5.2 شدت کے زلزلے نے تباہی مچا دی جس کے نتیجے میں دو افراد جان کی بازی ہار گئے جبکہ متعدد افراد ملبے تلے دب کر زخمی ہوگئے۔
ریسکیو حکام نے شہر لیوژو میں سات ہزار سے زائد شہریوں کو محفوظ مقامات پر منتقل کردیا ہے۔ امدادی ٹیمیں تاحال متاثرہ علاقوں میں سرچ اور ریسکیو کارروائیوں میں مصروف ہیں جبکہ حکام نے آمدورفت کے نظام میں ممکنہ رکاوٹوں سے بھی خبردار کیا ہے۔
A 5.2-magnitude earthquake struck Liuzhou, a city in south China’s Guangxi Zhuang Autonomous Region, early Monday, leaving two dead and one missing, local authorities said. #China #earthquake pic.twitter.com/INIWGf0Wjp
— China Xinhua News (@XHNews) May 18, 2026
سرکاری ٹی وی اور خبر رساں ادارے ژنہوا کے مطابق اب تک دو ہلاکتوں کی تصدیق ہو چکی ہے جبکہ ایک شخص لاپتا بتایا جا رہا ہے۔ مزید چار زخمیوں کو اسپتال منتقل کیا گیا تاہم ڈاکٹروں کے مطابق ان کی حالت خطرناک نہیں۔
2 dead after a magnitude-5.2 earthquake hits south China’s Guangxi. One person remains missing, and search and rescue operations are underway. pic.twitter.com/rQWwuVPjIl
— CGTN (@CGTNOfficial) May 18, 2026
چینی سرکاری نشریاتی ادارے سی سی ٹی وی نے رپورٹ کیا کہ پیر کی علی الصبح زلزلے کے جھٹکوں سے کم از کم 13 عمارتیں منہدم ہو گئیں جس سے علاقے میں خوف و ہراس پھیل گیا۔
ریلوے حکام نے بھی خبردار کیا ہے کہ زلزلے کے باعث ٹرین سروس متاثر ہو سکتی ہے کیونکہ ریلوے لائنوں اور دیگر انفرااسٹرکچر کا تفصیلی معائنہ جاری ہے تاکہ کسی بڑے حادثے سے بچا جا سکے۔
ریاستی میڈیا کے مطابق متاثرہ علاقے میں مواصلاتی نظام، بجلی، پانی اور گیس کی فراہمی معمول کے مطابق بحال ہے جبکہ سڑکوں پر ٹریفک بھی معمول کے تحت چل رہی ہے۔
