سی پی او ملتان کا منفرد پروگرام، جو بھکاری خواتین کی زندگیاں بدل رہا ہے

یہ پروگرام کس قدر مفید ہے اس کا اندازہ اس واقعے سے لگایا جا سکتا ہے کہ گزشتہ دنوں اس سینٹر سے تربیت یافتہ ایک سابق بھکاری خاتون نے سی پی او ملتان کو فون کیا اور بتایا کہ وہ اب باعزت زندگی گزارنا چاہتی ہیں۔ سی پی او نے خاتون سے پوچھا کہ وہ کون سا کام کرنا چاہتی ہیں۔ خاتون نے بتایا کہ وہ چوڑیاں بیچ کر اپنے بچوں کے لیے روزگار کمانا چاہتی ہیں اور اس کے لیے پیسے نہیں ہیں۔

سی پی او نے خاتون سے اس کی رہائش کا پتہ پوچھا اور فوری طور پر چوڑیوں کا انتظام کردیا اور ایک گاڑی بھر کر چوڑیوں کے ڈبے خاتون کے گھر پہنچا دیے گئے، جس کے بعد سابق بھکاری خاتون اب ایک کاروباری خاتون کے طور پر معروف ہوچکی ہے۔

اب یہ خاتون اپنے چوڑیوں کے اسٹال کے ساتھ سی پی او ملتان صادق ڈوگر کا ایک پورٹریٹ بھی سجا کر رکھتی ہے اور لوگ سی پی او کے اس پروگرام کی دل کھول کر تحسین کر رہے ہیں۔