ایک امریکی ڈالر کتنے کا ہوگیا؟ کرنسی مارکیٹ کے تازہ ریٹس آپ کو حیران کر دیں گے

ملکی کرنسی مارکیٹ میں بدھ کی صبح روپے کے مقابلے میں مختلف غیر ملکی کرنسیوں کی قیمتوں میں معمولی اتار چڑھاؤ دیکھنے میں آیا۔ اوپن مارکیٹ میں امریکی ڈالر سمیت اہم عالمی کرنسیاں مختلف سطحوں پر ٹریڈ ہوتی رہیں۔

اوپن مارکیٹ کے تازہ اعداد و شمار کے مطابق امریکی ڈالر کی خریداری قیمت 279 روپے جبکہ فروخت 280 روپے 30 پیسے ریکارڈ کی گئی۔ اسی طرح یورو 324 روپے 74 پیسے میں خریدا اور 328 روپے 5 پیسے میں فروخت کیا جا رہا ہے۔

برطانوی پاؤنڈ اسٹرلنگ کی خریداری قیمت 375 روپے 59 پیسے جبکہ فروخت 379 روپے 25 پیسے رہی۔ سعودی ریال 73 روپے 85 پیسے میں خریدا اور 74 روپے 85 پیسے میں فروخت ہو رہا ہے جبکہ یو اے ای درہم کی قیمت خرید 75 روپے 75 پیسے اور فروخت 77 روپے ریکارڈ کی گئی۔

دیگر کرنسیوں میں کینیڈین ڈالر 202 روپے 24 پیسے میں خریدا اور 206 روپے 25 پیسے میں فروخت ہو رہا ہے جبکہ آسٹریلین ڈالر کی خریداری قیمت 194 روپے 42 پیسے اور فروخت 198 روپے ہے۔

چینی یوآن 36 روپے 50 پیسے میں خریدا اور 37 روپے 75 پیسے میں فروخت کیا جا رہا ہے جبکہ جاپانی ین 1 روپے 72 پیسے میں خریدا اور تقریباً 1 روپے 82 پیسے میں فروخت ہو رہا ہے۔

انٹر بینک مارکیٹ میں بھی ڈالر سمیت دیگر کرنسیوں کی قیمتوں میں معمولی تبدیلی دیکھی گئی۔ انٹر بینک میں امریکی ڈالر 279 روپے 25 پیسے پر خریدا اور 279 روپے 75 پیسے پر فروخت کیا جا رہا ہے۔

ماہرین کے مطابق عالمی معاشی صورتحال، درآمدی ادائیگیوں اور مارکیٹ طلب و رسد کے باعث کرنسی مارکیٹ میں روزانہ کی بنیاد پر معمولی اتار چڑھاؤ دیکھنے میں آتا ہے۔