سوئٹرز لینڈ کے اعلیٰ تعلیمی ادارے میں بالکل مفت اعلیٰ تعلیم کا موقع، جانئے مکمل طریقہ

اس پروگرام کے ذریعے طلبہ عملی سائنسی تجربہ حاصل کرتے ہیں، ایک متنوع اور کثیرالثقافتی ماحول میں کام کرتے ہیں اور عالمی سطح پر پیشہ ورانہ روابط قائم کرتے ہیں۔

سرن سمر اسٹوڈنٹ پروگرام 2026 کے لیے درخواستوں کا عمل جاری ہے، جبکہ درخواست جمع کرانے کی آخری تاریخ 26 جنوری 2026 (رات 11:59، سینٹرل یورپی ٹائم) ہے۔

پروگرام کی تفصیلات
مدت: جون سے ستمبر 2026 کے درمیان 8 سے 13 ہفتے
مقام: سرن ہیڈکوارٹرز، جنیوا، سوئٹزرلینڈ
مالی معاونت:

منتخب طلبہ کو روزانہ 93 سوئس فرانک (تقریباً 2,800 سوئس فرانک ماہانہ) ٹیکس فری وظیفہ دیا جائے گا، جو رہائش اور کھانے کے اخراجات کے لیے ہوگا۔
سفر اور صحت: جنیوا تک آمد و رفت کے اخراجات اور مکمل ہیلتھ انشورنس فراہم کی جائے گی۔
سرگرمیاں:
تکنیکی یا سائنسی منصوبے پر عملی کام
دنیا کے معروف سائنس دانوں کے خصوصی لیکچر سیریز میں شرکت
سرن کی منفرد تحقیقی تنصیبات کے دورے

اہلیت کا معیار
درخواست دہندہ بیچلرز یا ماسٹرز کا طالب علم ہو (پی ایچ ڈی امیدوار اہل نہیں)
موسمِ گرما 2026 تک کم از کم چھ سمسٹر (تین سال) کی یونیورسٹی تعلیم مکمل ہو
تعلیمی شعبے: فزکس، انجینئرنگ، کمپیوٹر سائنس یا ریاضی
زبان: انگریزی پر اچھی دسترس ضروری ہے، فرانسیسی جاننا اضافی فائدہ ہوگا
قومیت: تمام ممالک کے طلبہ اہل ہیں، بشمول پاکستانی طلبہ
نوٹ: امریکا، جاپان اور کینیڈا کے طلبہ کو اپنے متعلقہ قومی پروگرامز کے ذریعے درخواست دینا پڑ سکتی ہے۔

درخواست دینے کا طریقہ
درخواستیں سرن کے آفیشل کیریئرز پورٹل کے ذریعے جمع کرانا ہوں گی۔ درخواست کے ساتھ درج ذیل دستاویزات انگریزی یا فرانسیسی زبان میں درکار ہوں گی:
سی وی 
تعلیمی ریکارڈ (حالیہ یا آفیشل ٹرانسکرپٹ)
موٹیویشن لیٹر
دو ریفرنس لیٹرز (جو گزشتہ 12 ماہ کے اندر جاری کیے گئے ہوں)