گوگل نیوز پر ہمیں فالو کریںبالی ووڈ اداکارہ ہما قریشی اور اداکاری کے مشہور کوچ راچیت سنگھ ایک ساتھ دیوالی کی ایک تقریب میں نظر آئے جس کے بعد ایک بار پھر ان کی ممکنہ منگنی کی خبریں سوشل میڈیا اور نیوز چینلز کی زینت بن گئیں۔
ذرائع ابلاغ کے مطابق دونوں نے گزشتہ ماہ امریکہ میں نجی تقریب کے دوران منگنی کر لی تھی تاہم اس حوالے سے دونوں نے اب تک باضابطہ طور پر کوئی تصدیق نہیں کی۔
دیوالی پارٹی اور اس سے قبل ایک فلم کی اسکریننگ میں دونوں کی ایک ساتھ موجودگی اور ہاتھوں میں ہاتھ ڈالے تصاویر نے مداحوں کو اس بات پر قائل کر دیا ہے کہ یہ رشتہ اب محض افواہ نہیں رہا۔
View this post on Instagram
دیوالی کی اس تقریب میں ہما قریشی سیاہ اور سنہری ساڑھی میں دکھائی دیں جبکہ راچیت سنگھ نے سیاہ کُرتا پاجامہ پہنا ہوا تھا۔ تصاویر میں دونوں ایک دوسرے کے ساتھ خاصی قربت میں نظر آئے حتیٰ کہ ایک موقع پر راچت نے ہما کی کمر پر ہاتھ بھی رکھا۔
View this post on Instagram
راچیت سنگھ کا شمار بالی ووڈ کے کامیاب اداکاری کے کوچز میں ہوتا ہے جنہوں نے عالیہ بھٹ، رنویر سنگھ اور وکی کوشل جیسے بڑے ستاروں کو تربیت دی ہے۔ اس کے علاوہ وہ ویب سیریز Karmma Calling میں اداکاری بھی کر چکے ہیں۔
