مریم نواز کی جانب سے کرسمس گفٹ کے نام پر تذلیل، مسیحی شہری نے حقیقت بے نقاب کردی، دیکھئے ویڈیو

پنجاب کے ایک مسیحی شہری نے الزام عائد کیا ہے کہ مبینہ طور پر پنجاب حکومت کی جانب سے مسیحی برادری کے افراد کو کرسمس گفٹ کے نام پر لنڈے کے کپڑے دے کر ان کی تذلیل کی گئی ہے۔

چنیوٹ ضلع کی تحصیل لالیاں کے رہائشی عرفان مسیح نے وائرل ویڈیو میں بتایا کہ انہیں اور برادری کے دیگر افراد کو ڈپٹی کمشنر چنیوٹ نے بلایا اور بتایا گیا کہ یہ تحائف پنجاب کی وزیرِ اعلیٰ مریم نواز شریف کی جانب سے تقسیم کیے جا رہے ہیں۔

تاہم عرفان مسیح کے مطابق تحفے کے پیکٹس میں صرف پرانے اور استعمال شدہ کپڑے موجود تھے۔

عرفان مسیح نے صحافی احسن وحید کی جانب سے ایکس (ٹوئٹر) پر شیئر کی گئی ویڈیو میں کہا:
“ہم مسیحی ہیں اور ہم بھی انسان ہیں۔ یہ درست ہے کہ ہم میں سے بہت سے لوگ غریب ہیں اور صفائی کے کام کرتے ہیں، لیکن اس کا یہ مطلب نہیں کہ ہمیں کرسمس کے تحفے کے طور پر استعمال شدہ کپڑے دیے جائیں۔ ایسی چیزیں تو ہم خود بھی مقامی بازاروں سے خرید سکتے ہیں۔”