گوگل نیوز پر ہمیں فالو کریںپاکستانی اداکارہ صبا قمر نے اپنے رہائشی شہر کی تبدیلی کا فیصلہ کر لیا ہے۔ اداکارہ نے انسٹاگرام اسٹوری کے ذریعے نئے شہر کا نام بھی شیئر کیا، گویا یہ کوئی عام خبر نہیں بلکہ دنیا کے سب سے بڑے واقعے کی طرح اعلان کیا گیا۔
صبا قمر حال ہی میں خبروں کی زد میں آئیں، جب کراچی جانے کے سوال پر انہوں نے استغفراللہ کہہ کر پورے شوبز حلقے اور سوشل میڈیا صارفین کو حیران کر دیا۔ ایسا لگا جیسے شہر کی فضاء میں کوئی خوفناک آفت آ گئی ہو۔ کچھ لوگوں نے ان کے تبصرے کو غیر مناسب قرار دیا جبکہ دیگر نے کراچی کی حمایت میں ان پر سخت تنقید بھی کی۔
تنازع کے بعد صبا قمر نے لاہور چھوڑنے کے اشارے بھی دئیے اور آخر کار اسلام آباد منتقل ہونے کا باقاعدہ اعلان کر دیا۔ گویا شوبز دنیا میں سب سے اہم خبر یہ تھی کہ صبا قمر نے اپنا پتہ بدل دیا۔
View this post on Instagram
حال ہی میں میزبان عاصم یار نے شوبز شخصیات کیلئے ڈنر کا اہتمام کیا جس میں عمران عباس بھی شریک ہوئے۔ عمران عباس نے تقریب کی تصاویر انسٹاگرام پر شیئر کیں اور صبا قمر نے فوراً اسٹوری دوبارہ شیئر کرکے اپنے شہر کی تبدیلی کو باضابطہ طور پر فائنل قرار دیا کہ میں اسلام آباد منتقل ہو رہی ہوں۔
View this post on Instagram
یوں لگتا ہے کہ اسلام آباد کی ہوا میں کراچی کے شہریوں کے ردعمل کے خوف سے بچنے کی خاص خوشبو شامل ہے اور صبا قمر کی یہ منتقلی شوبز کی سب سے بڑی خبر بن گئی۔
