عالمی مارکیٹ کے جھٹکے کا اثرات؛ پاکستان میں سونے کی قیمت میں بڑا اضافہ

پاکستان کی مقامی صرافہ مارکیٹس میں سونے کی قیمت میں ایک بار پھر اضافہ دیکھنے میں آیا ہے جو بین الاقوامی مارکیٹ میں قیمتوں کے بڑھنے کے رجحان کا عکس ہے۔ منگل کے روز فی تولہ سونا 900 روپے مہنگا ہو کر 360,700 روپے تک پہنچ گیا۔

آل پاکستان جیمز اینڈ جیولرز صرافہ ایسوسی ایشن (APGJSA) کے مطابق، 10 گرام سونے کی قیمت میں 772 روپے کا اضافہ ہوا جس کے بعد یہ 309,245 روپے پر آ گئی ہے۔

دوسری جانب چاندی کی قیمت میں کوئی رد و بدل نہیں ہوا اور فی تولہ چاندی بدستور 4,121 روپے پر مستحکم رہی۔

عالمی سطح پر بھی سونے کی قیمتوں میں اضافہ ریکارڈ کیا گیا، جہاں فی اونس سونا 9 ڈالر مہنگا ہو کر 3,380 ڈالر تک پہنچ گیا جس میں 20 ڈالر کا پریمیئم بھی شامل ہے۔

یاد رہے کہ گزشتہ روز (پیر کو) مقامی مارکیٹ میں سونے کی قیمت میں کوئی تبدیلی نہیں آئی تھی اور فی تولہ سونا 359,800 روپے پر برقرار رہا تھا۔