گوگل نیوز پر ہمیں فالو کریںوفاقی وزارتِ اطلاعات کے مطابق رواں مالی سال کے پہلے 11 ماہ کے دوران کارگو کے ذریعے پاک چین درآمدات و برآمدات میں 46.8 فیصد اضافہ ریکارڈ کیا گیا۔
سماجی رابطے کی ویب سائٹ ٹوئٹر پر اپنے پیغام میں وزارتِ اطلاعات نے بتایا کہ رواں مالی سال کے پہلے 11 ماہ کے دوران کارگو کے ذریعے درآمدات و برآمدات مجموعی طور پر 66 ہزار 600 ٹن تک جا پہنچیں۔
وزارتِ اطلاعات کے مطابق گزشتہ مالی سال کے مذکورہ عرصے (11 ماہ) کے مقابلے میں چین کے شمال مغربی علاقے ژنجیانگ کو خنجراب پاس کے ذریعے موجودہ درآمدات و برآمدات میں مجموعی طور پر 46.8 فیصد اضافہ ہوا۔
Cargo import and export reached 66,600 tonnes in the first 11 months at Khunjerab Pass in northwest China’s Xinjiang Region, up 46.8 percent from the same period last year. pic.twitter.com/zGiVJGkRUF
— Ministry of Information & Broadcasting (@MoIB_Official) December 30, 2019
یاد رہے کہ اس سے قبل وفاقی وزیر برائے منصوبہ بندی اسد عمر نے کہا کہ برآمدات میں مسلسل اضافہ خوش آئند ہے جو اگر جاری رہا تو مستقبل میں آئی ایم ایف کی ضرورت نہیں ہوگی۔
ٹوئٹر پر10 روز قبل اپنے پیغام میں وفاقی وزیر اسد عمر نے کہا کہ آئی ایم ایف پروگرام کو آخری کہنا اس وقت ممکن ہے جب ہم اپنی برآمدات میں اضافہ جاری رکھیں۔
وزیر منصوبہ بندی اسد عمر نے کہا کہ تحریکِ انصاف جب سے اقتدار میں آئی ہے، اس کے اقدامات دیکھ کر مسرت ہوتی ہے۔ برآمدات میں اضافہ جاری ہے۔
مزید پڑھیں: برآمدات میں اضافہ جاری رہا تو آئی ایم ایف ضروری نہیں۔اسد عمر
